డేటింగ్ చేయమని స్టార్ హీరోయిన్ కి సలహా ఇస్తున్న అభిమానులు..

2 months ago 48 View

డేటింగ్ చేయమని స్టార్ హీరోయిన్ కి సలహా ఇస్తున్న అభిమానులు..

టాలీవుడ్ స్టార్ బ్యూటీ సమంత సోషల్ మీడియాలో కూడా చాలా యాక్టివ్ గా ఉంటారు. మయోసైటిస్ అనే అరుదైన వ్యాధి నుంచి ఇప్పుడిప్పుడే కోలుకుంటున్నా సమంత షూటింగులు మరియు ప్రమోషన్లతో బిజీ అయ్యారు. ఈ నేపథ్యంలోనే సమంత తన వ్యక్తిగత జీవితంలో కూడా ముందుకు వెళితే బాగుంటుంది అని కొంతమంది అభిమానులు అనుకుంటున్నారు. అయితే చొరవ తీసుకున్న ఒక అభిమాని ఇదే విషయాన్ని డైరెక్ట్ గా సమంతకి చెప్పేసాడు.

ఈమధ్యనే "శాకుంతలం" సినిమా ప్రమోషన్ల కోసం సమంత ఇచ్చిన ఇంటర్వ్యూ వీడియోని ఎడిట్ చేస్తూ చేసిన ఒక అభిమాని ఆ వీడియోని షేర్ చేస్తూ, "నేను మీకు చెప్పే స్థాయిలో లేనని నాకు తెలుసు. కానీ ప్లీజ్ మీరు ఎవరినైనా డేట్ చేయండి," అని సమంత ని ట్యాగ్ చేస్తూ ట్వీట్ చేశాడు ఒక అభిమాని. అయితే ఆ ట్వీట్ కి సమంత ఇచ్చిన రిప్లై ఇప్పుడు అభిమానులను మరింత ప్రేమలో పడేస్తోంది.

"నన్ను మీ కంటే బాగా ఇంక ఎవరు ప్రేమించగలరు?" అంటూ సమంత రిప్లై ఇచ్చింది. ఈ రిప్లై ఇప్పుడు సోషల్ మీడియాలో తెగ వైరల్ గా మారుతుంది. 2017లో సమంత నాగచైతన్య అనే ప్రేమించి పెళ్లి చేసుకున్న సంగతి తెలిసిందే. కానీ కొన్ని విభేదాల కారణంగా 2021లో వారిద్దరూ విడాకులు తీసుకున్నారు. అప్పట్నుంచి సమంత సింగిల్ గానే ఉండి సినిమాలతో బిజీగా ఉన్నారు.

ఇక సమంత హీరోయిన్ గా నటించిన "శాకుంతలం" సినిమా వచ్చే నెల 14వ తేదీన థియేటర్లలో విడుదల కాబోతోంది. గుణశేఖర్ దర్శకత్వం వహించిన ఈ సినిమా తెలుగు, తమిళ్, మలయాళం, కన్నడ, మరియు హిందీ భాషల్లో త్రీడీలో కూడా విడుదల కాబోతోంది. మైథాలజికల్ డ్రామాగా ప్రేక్షకుల ముందుకు రాబోతున్న ఈ సినిమా పై భారీ అంచనాలు నెలకొన్నాయి.

ఈ సినిమా కాకుండా సమంత బాలీవుడ్ లో కూడా ప్రముఖ హీరో వరుణ్ ధావన్ సరసన "సిటాడెల్" అనే ఒక వెబ్ సిరీస్ లో కూడా నటిస్తోంది. అంతేకాకుండా "మజిలీ" ఫేమ్ డైరెక్టర్ శివ నిర్వాన దర్శకత్వంలో విజయ్ దేవరకొండ హీరోగా "ఖుషీ" సినిమా షూటింగ్ తో కూడా సమంత బిజీగా ఉంది.