రోగనిరోధక శక్తిని పెంచే పనస పండు….

5 days ago 25 View

MM Author

Posted on March 17, 2023

రోగనిరోధక శక్తిని పెంచే పనస పండు….

ప్రస్తుతం ఉన్న హడావిడి జీవనశైలి కారణంగా చాలామంది రోగ నిరోధక శక్తి లేక అనారోగ్య సమస్యలతో ఇబ్బంది పడుతున్నారు. పోషక విలువలు లేని జంక్ ఫుడ్ ఎక్కువగా తినడం వల్ల ఈ సమస్యలు ఉత్పన్నమవుతున్నాయి. అందుకే ఆరోగ్యకరమైన సహజ సిద్ధమైన తాజా పండ్లు కూరగాయలు రోజు మన ఆహారంలో భాగంగా చేసుకోవాలని నిపుణులు సూచిస్తున్నారు.

ప్రతిరోజు మన శరీరానికి అవసరమైన మోతాదులో పండ్లు మరియు కూరగాయలు తీసుకోవాలి. అప్పుడే మన శరీరం రోగనిరోధక శక్తి పెంపొందించడంతోపాటు రకరకాల వైరస్లను తట్టుకోగలుగుతుంది. వేసవికాలంలో విరివిగా దొరికే పనసపండు వల్ల కలిగే అద్భుతమైన ప్రయోజనాల గురించి చాలా మందికి తెలియదు. ఈరోజు మనం పనసకాయ మనకు రోగనిరోధక శక్తి పెంపొందించడంలో ఎలా సహాయపడుతుందో తెలుసుకుందాం.

పనసకాయ మన శరీరంలో ఉన్న వివిధ రకాల బ్యాక్టీరియాను మరియు మలినాలను తొలగించడంలో సమర్థవంతంగా పనిచేస్తుంది. జింక్ ,విటమిన్, ఫైబర్ వంటి పోషక విలువలు పనస విత్తనాలలో మెండుగా ఉంటాయి. పనస లో సమృద్ధిగా దొరికే ఫైటోన్యూట్రియంట్స్ , ఐసోప్లేవిన్స్ పలు రకాల క్యాన్సర్ కణాలతో పోరాడుతాయి. ఇందులో సమృద్ధిగా ఉన్న యాంటీ ఆక్సిడెంట్లు మన శరీరం పై ఫ్రీ రాడికల్స్ ప్రభావాన్ని తగ్గించడంలో సహాయపడతాయి.

ఈ కాలం విరివిగా దొరికే ఈ పనస పండు తినడం వల్ల మన శరీరానికి పలు రకాల విటమిన్స్ ,క్యాల్షియం మరియు మెగ్నీషియం సమృద్ధిగా అందుతాయి. ఇది మగవారిలోని వీర్య కణాల సంఖ్యను పెంచడంలో కూడా అద్భుతంగా పనిచేస్తుంది. ఇందులో మెండుగా దొరికే విటమిన్ ఏ కంటికి సంబంధించిన అన్ని సమస్యలను తొలగిస్తుంది. రక్తహీనత సమస్య మరియు రక్త పోటు సమస్యలను అరికట్టడంలో పనస అద్భుతంగా పనిచేస్తుంది.

డయాబెటిస్ సమస్యతో బాధపడే వారు కూడా పనస పండును తినవచ్చు. ఇది మన రక్తంలోని చక్కర స్థాయిలను అదుపులో ఉంచుతుంది. పనస పేగులలోని పలు బ్యాక్టీరియాలను తొలగించి జీర్ణవ్యవస్థను బలోపేతం చేస్తుంది. పలు దేశాలలో పనసను రకరకాల వంటకాలలో కూడా వాడుతారు. మనదేశంలో పనసకాయ తో కూర ,ఆవకాయ మరియు బిర్యానీ వంటివి కూడా విరివిగా చేస్తారు. పనస గింజలను ఉడకపెట్టి చేసే కూర చాలా రుచిగా ఉంటుంది. కాబట్టి ఈ సీజన్లో పనసకాయని బాగా ఎంజాయ్ చేసి …మీ ఆరోగ్యాన్ని పెంపొందించుకొండి.