రోజు బాత్రూం లో గంటల తరబడి కూర్చునే అలవాటు మీకు ఉంటే తక్షణం మానేయండి….

2 days ago 17 View

MM Author

Posted on March 17, 2023

రోజు బాత్రూం లో గంటల తరబడి కూర్చునే అలవాటు మీకు ఉంటే తక్షణం మానేయండి….

అస్తవ్యస్తమైన జీవనశైలి కారణంగా ప్రస్తుతం చాలా మంది మలబద్ధకంతో బాధపడుతున్నారు. కొంతమంది గంటల తరబడి బాత్రూంలో గడపడం అలవాటుగా చేసుకున్నారు. చేతిలో ఫోన్ లేదా న్యూస్ పేపర్ పట్టుకొని బాత్రూంలోకి వెళ్తే గంటా గంటన్నరకు కానీ బయట రావడం కష్టమైన పరిస్థితిలో చాలామంది ఇబ్బంది పడుతున్నారు. కొందరికి ఇది సరదాగా ఉన్నప్పటికీ ఇదే అలవాటు కొనసాగితే మాత్రం అనారోగ్య సమస్యలు తప్పవు అని నిపుణులు అంటున్నారు.

రోజు ఫోన్ లేక పేపర్ చదువుతూ టాయిలెట్ సీట్ పై కూర్చోవడానికి అలవాటు పడ్డవారికి మోషన్ అంత సులభంగా రాదు. ఎందుకంటే మన శరీరం కూడా రోజు అదే పద్ధతికి అలవాటు పడుతుంది కాబట్టి.. క్రమంగా అలవాటు కాస్త అవలక్షణంగా మారిపోతుంది. ఇలా ఎక్కువ సేపు టాయిలెట్ సీట్ పై కూర్చున్న వారికి సులభంగా యూరినది ఇన్ఫెక్షన్స్ సోకే ప్రమాదం ఉంది.

ఎక్కువసేపు కూర్చోవడం వల్ల తెలియకుండా మన వెన్నుపూస మీద ఎక్కువ ప్రెషర్ పడుతుంది. దీనివల్ల పిక్కల నొప్పులు వీపునొప్పి లాంటి దీర్ఘకాలిక సమస్యలు తలెత్తే అవకాశం కూడా ఉంది. అధ్యయనాల ప్రకారం చాలా మంది దీన్ని ఒక అలవాటుగా మార్చుకోవడం వల్ల అలా గంటల కొద్ది బాత్రూంలో కూర్చుంటారు…కానీ దీని వల్ల పెద్ద ప్రయోజనం లేదు. ఎక్కువసేపు బాత్రూంలో గడపడం వల్ల కడుపు శుభ్ర పడిపోతుంది అనేది కేవలం కొంతమందిలో ఉన్న ఒక సైకలాజికల్ ఫీలింగ్ మాత్రమే అని వైద్యులు చెబుతున్నారు.

ఎక్కువసేపు టాయిలెట్లో ఫోన్ తో కడిపేవారు తెలుసుకోవాల్సిన మొదటి విషయం ఏమిటంటే…మీరు ఒక అరగంటసేపు ఫోన్ తో లోపల ఉండటం వల్ల ఫోన్ కు 18 రెట్లు ఎక్కువ జర్మ్స్ చేరుతాయి. ఈ ఫోన్ ని పట్టుకొని మీరు రోజంతా తిరుగుతారు.. డైనింగ్ టేబుల్ దగ్గర నుంచి ఆఫీస్ టేబుల్ వరకు ఎక్కడ పడితే అక్కడ దీన్ని పెడతారు. ఇలా మీకు తెలియకుండా మీ నుంచి మీకే కాకుండా మీ ఇంటి మొత్తానికి రకరకాల బ్యాక్టీరియా సోకే ప్రమాదం ఉంది.కాబట్టి మీకు ఇటువంటి అలవాటు ఉంటే తక్షణ మానుకోవడం మీ ఆరోగ్యానికి ఎంతో మంచిది.