బాడీ బిల్డింగ్ కోసం వాడే ప్రొటీన్‌ పౌడర్‌ వల్ల పొంచి ఉన్న ప్రమాదం,..

3 days ago 11 View

MM Author

Posted on March 17, 2023

బాడీ బిల్డింగ్ కోసం వాడే ప్రొటీన్‌ పౌడర్‌ వల్ల పొంచి ఉన్న ప్రమాదం,..

బాడీ బిల్డింగ్ ప్రస్తుతం బాగా ట్రెండింగ్ గా ఉంది. దీనికోసం జిమ్ కి వెళ్లి గంటల తరబడి కసరత్తులు చేయడంతో పాటు భారీ బడ్జెట్ తో ప్రోటీన్ సప్లిమెంట్లను తీసుకోవడానికి కూడా యువత ఇష్టపడుతున్నారు. శరీరానికి అవసరమైన ప్రోటీన్ ని సప్లై చేయడం కోసం రకరకాల ప్రోటీన్ ఉత్పత్తులు మార్కెట్లో దొరుకుతున్నాయి. ఎటువంటి సలహా సంప్రదింపులు లేకుండా చాలామంది ఈ ప్రోటీన్ పౌడర్లను తీసుకుంటున్నారు. అయితే ఇలా చేయడం మంచి పద్ధతి కాదు అని నిపుణులు అభిప్రాయపడుతున్నారు.

ప్రోటీన్ డైట్ కు ప్రత్యామ్నాయంగా తీసుకుని ప్రోటీన్ సప్లిమెంట్ల వల్ల అధిక బరువు తగ్గడంతో పాటు కండరాలు బలంగా తయారవుతాయని భావిస్తారు. అయితే నిజానికి ఇలా తయారు చేసినటువంటి ప్రోటీన్ పౌడర్లు శరీరానికి మరియు ఆరోగ్యానికి మంచిది కాదు అనే విషయం చాలామందికి తెలియదు. సహజంగా అందే ప్రోటీన్ కంటే కూడా ఇలా కెమికల్ రూపంలో తీసుకునే ప్రోటీన్ వల్ల ప్రయోజనం కంటే కొన్నిసార్లు నష్టమే ఎక్కువగా కలిగే అవకాశం ఉంది.

పాలు ,సోయాబీన్స్ ,బఠానీ ,బియ్యం ,బంగాళదుంప గుడ్డు.. ఇలా పలు రకాల ఆహార పదార్థాల నుంచి కృత్రిమంగా ప్రోటీన్ లను సేకరించి ప్రోటీన్ పౌడర్ తయారు చేయడం జరుగుతుంది . పైగా ఇది నిల్వ ఉండడం కోసం దీనికి చక్కెర మరియు కృత్రిమమైన ఫ్లేవర్స్ ,విటమిన్స్, మినరల్స్ అలాగే కొన్ని కెమికల్స్ ను జోడిస్తారు. ఇది సహజంగా లభించేది కాదు కృత్రిమంగా తయారు చేయబడింది కాబట్టి ఎక్కువ మోతాదులో తీసుకునే ముందు నిపుణులను సంప్రదించడం మంచిది.

మనకు మార్కెట్లో ఈ ప్రోటీన్ సప్లిమెంట్స్ పౌడర్ ,షేక్స్ లేదా క్యాప్సూల్స్ రూపంలో విరివిగా దొరుకుతున్నాయి. మామూలుగా దొరికే ప్రోటీన్ సప్లిమెంట్స్ లో ముఖ్యంగా రెండు రకాలు ఉంటాయి…కేసిన్ ప్రోటీన్ మరియు వే ప్రోటీన్. ముఖ్యంగా మనకు ఎక్కువగా దొరికే వే ప్రోటీన్ విరిగిన పాల నుంచి తయారు చేయడం జరుగుతుంది. ఇది వేగంగా జీర్ణం అవుతుంది కాబట్టి యువత ఎక్కువగా దీన్ని తీసుకోవడానికి ఇష్టపడతారు. కానీ ఇది శరీరానికి ఎక్కువ హానిని కలిగించేది అని చాలామందికి తెలియదు.

ఎక్కువగా ప్రోటీన్ పౌడర్ తీసుకోవడం వల్ల శరీరంలోని ఇన్సులిన్ స్థాయిలో పెరగడంతో పాటు సీసం, ఆర్సెనిక్ పాదరసం మొదలైన విషపూరిత లోహాలు శరీరంలోకి ప్రవేశిస్తాయి. వీటి ప్రభావం వల్ల తలనొప్పి, అలసట ,మలబద్ధకం, కీళ్లనొప్పి వంటి ఎన్నో సమస్యలు ఉత్పన్నమవుతాయి. ఫ్లేవర్ కోసం వీటిలో కలిపే చక్కర వల్ల శరీరంలో అదనపు కార్బోహైడ్రేట్స్ జమ అవ్వడం వల్ల కొవ్వును తగ్గించే పని చేయవలసిన ఈ ప్రోటీన్ సప్లిమెంట్ కాస్త మన శరీరంలోని కొవ్వు శాతాన్ని పెంచుతుంది. కాబట్టి ప్రొటీన్ సప్లిమెంట్ కోసం కృత్రిమమైన ప్రోటీన్ పౌడర్ను వాడడం కంటే సహజంగా మనకు దొరికే ఉత్పత్తుల ద్వారా ప్రోటీన్ సప్లిమెంట్ రోజు మనకు అందే విధంగా ఆహారాన్ని తీసుకోవడం మంచిది.