చిత్రం :  పెళ్లి కాని ప్రసాద్ 

విడుదల : మార్చి 21, 2025

రేటింగ్ : 2./5

నటీనటులు : సప్తగిరి, ప్రియాంక శర్మ, మురళీధర్ గౌడ్, లక్ష్మణ్ మీసాల, అన్నపూర్ణమ్మ, వడ్లమాని శ్రీనివాస్, ప్రమోదిని, బాషా, రోహిణి, రాంప్రసాద్ తదితరులు. 

దర్శకత్వం  : అభిలాష్ రెడ్డి గోపిడి

నిర్మాత: కే వై బాబు, భాను ప్రకాష్ గౌడ్, సుక్కా వెంకటేశ్వర్ గౌడ్, వైభవ్ రెడ్డి ముత్యాల

సంగీత దర్శకుడు : శేఖర్ చంద్ర

సినిమాటోగ్రఫీ : సుజాత సిద్ధార్థ్

ఎడిటర్ :చింతల మధు

కామెడీ హీరో సప్తగిరి నటించిన వినోదాత్మక  చిత్రం ‘పెళ్లి కాని ప్రసాద్’  నేడు (మార్చి 21, 2025) విడుదలయింది.  స్టార్ కమెడియన్ హోదా సంపాదించుకున్న అతి తక్కువ మంది కమెడియన్లలో సప్తగిరి ఒకడు. నటుడిగా తనదైన కామెడీ టైమింగ్ తో ప్రేక్షకుల్ని మెప్పించి అగ్ర స్థాయి కమెడియన్ గా అలరారుతున్న తరుణంలో హీరోగానూ “సప్తగిరి ఎక్స్ ప్రెస్, సప్తగిరి ఎల్.ఎల్.బి” సినిమాతో హిట్లు కొట్టాడు. ఆ తర్వాత హీరోగా నటించిన మరో రెండు సినిమాలు డిజాస్టర్లుగా నిలవడంతో కొంతకాలం గ్యాప్ తీసుకొని “పెళ్లి కాని ప్రసాద్”  అనే ఫుల్ లెంగ్త్ కామెడీ సినిమాతో హీరోగా మరోమారు తన అదృష్టాన్ని పరీక్షించుకొనేందుకు మళ్లీ ప్రేక్షకుల ముందుకు వచ్చాడు.  

మరి ఈ చిత్రం ఎలా ఉందో  చూద్దాం... 

కథ: వయసు మీదపడ్డా  కూడా కట్నం ప్రసాద్ (సప్తగిరి)కి ఇంకా పెళ్లి కాదు. 38 ఏళ్ళు వయసొచ్చినా పెళ్లి కాదు.  మలేషియాలో పని చేసుకునే తన కొడుకు కోసం 2 కోట్లు కట్నం ఇచ్చే సంబంధం తప్ప పెళ్లి చేయకూడదు అని అతడి  తండ్రి (మురళీ గౌడ్) డిసైడ్ అవుతాడు.  ఇంకో పక్క ప్రియా (ప్రియాంక శర్మ) తన ఫ్యామిలీ యూఎస్ లో సెటిల్ అవ్వాలని ప్లాన్ చేస్తారు. ఈ క్రమంలో ప్రియా, ప్రసాద్ కోసం తెలుసుకుంటుంది. అతన్ని కానీ కట్నం లేకుండా పెళ్లి చేసుకొని ప్లాన్ సక్సెస్ చేసుకుంటుంది. మరి ఈ విషయంలో ప్రసాద్ నాన్న రియాక్షన్ ఏంటి?  38 ఏళ్లు వచ్చినా రెండు కోట్లు కట్నం వస్తే తప్ప కొడుక్కి పెళ్లి చేయను అని తీర్మానించుకుని కూర్చున్న తండ్రి. కట్నం అటుంచి ఎక్స్పైరీ డేట్ దగ్గర పడుతుంది, ఇంకెప్పుడు పెళ్లి అని బెంగపెట్టుకున్న కొడుకు ప్రసాద్. ఫారిన్ మొగుడ్ని పట్టుకుంటే.. ఫ్యామిలీ మొత్తం ఫారిన్ వెళ్లిపోవచ్చు అనే పిచ్చి ఆలోచనతో ఫారిన్ సంబంధాల కోసం వెంపర్లాడే ప్రియ..  ఇలా ముగ్గురు ఆశావాదుల అత్యాశ చుట్టూ అల్లుకున్న కథ “పెళ్లి కాని ప్రసాద్”. తండ్రి-పెళ్ళాం మధ్య నలిగిన ప్రసాద్ పరిస్థితి ఏమైంది? ఈ నేపథ్యంలో  కథనంలో చోటు చేసుకున్న షాకింగ్ నిజం ఏంటి? ఎందుకు రెండు కుటుంబాలు అలాంటి కండిషన్స్ పెట్టుకున్నారు? ఈ అన్నిటి మధ్యలో ప్రసాద్ ఎలా నలిగిపోయాడు? అనేది  తెలుసుకోవాలంటే సినిమా చూడాల్సిందే... 

 విశ్లేషణ: ఈ  ‘పెళ్లి కాని ప్రసాద్’ లో మరింత కామెడీకి స్కోప్ ఉంది కానీ దానిని దర్శకుడు తన వీక్ కథనంతో నడిపించారు.  పెళ్లి కాని ప్రసాద్ లో ఒకింత నాచురల్ కామెడి లేదు అనిపిస్తుంది. చాలా వరకు సన్నివేశాలు ఫోర్స్డ్ గా ఇరికించినట్టుగా అనిపిస్తుంది. అవి కాస్తా అంత కామెడీ తెప్పించవు. అలాగే ఇంకొన్ని సీన్స్ అయితే డల్ కథనం మూలాన వీక్ గా అనిపిస్తాయి. ఇక వీటితో పాటుగా సినిమాలో కొందరు నటీనటుల పాత్రలు చాలా చికాకు తెప్పించేలా ఉంటాయి. ప్రియాంక, మెహబూబ్ అలాగే ప్రమోదిని లాంటి వారి పాత్రలు సినిమాలో ఫ్లోని చెడగొట్టినట్టు అనిపిస్తాయి. అలాగే సప్తగిరిపై కూడా కొన్ని సీన్స్ ఒకింత ఓవర్ గా అనిపిస్తాయి. అలాగే కొన్ని డైలాగ్స్, కొన్ని సందర్భాలు కూడా అలానే ఉంటాయి.అలాగే క్లైమాక్స్ కూడా ఇంకా బెటర్ గా డిజైన్ చేయాల్సింది. అంతా ఒకింత గందరగోళంగా నడిపించి ఒక నిరాశపరిచే ఎండింగ్ ని ఇచ్చినట్టుగా అనిపిస్తుంది. దర్శకుడు అభిలాష్ రెడ్డి ఎంచుకున్న కథ, ఆ  కథను నడిపించిన విధానం గురించి మాట్లాడుకునే ముందు.. ఈ సినిమాలో హీరో ఫోన్ కి పెట్టించిన రింగ్ టోన్ గురించి చెప్పాలి. సోషల్ మీడియాలో లీకైన ఓ   అశ్లీల ఆడియో రీమిక్స్ పాటను హీరో కాలర్ ట్యూన్ గా పెట్టాలన్న ఆలోచనతోనే అతడి శైలి ఏమిటి అనేది అర్థం చేసుకోవచ్చు. “అద్దు శీను” అనే ఆ ఆడియో హిస్టరీ ఏంటి అనేది తెలియని సోషల్ మీడియా జనాలు ఉండరు, ఇదివరకు కూడా దీనిని  కొన్ని సినిమాల్లో వాడినా అది విలన్ గ్యాంగ్ లేదా బ్యాగ్రౌండ్ కమెడియన్ గ్యాంగ్ కోసం వినియోగించారు. కానీ.. ఏకంగా హీరో రింగ్ టోన్ గా అది పెట్టడం, సినిమాలో పదిసార్లకు పైగా అది ప్లే చేయడం అనేది అత్యంత జుగుప్సాకరమైన విషయం. 

సప్తగిరి కామెడీ టైమింగ్ గురించి ప్రత్యేకంగా చెప్పాల్సిన పని లేదు. తనదైన యాసతో విశేషంగా ఆకట్టుకునే సప్తగిరి ఈ సినిమాలో కాస్త నెమ్మదైన నటనతో ఆకట్టుకునే ప్రయత్నం చేశాడు. అత్తగారి కుటుంబాన్ని కొడుతున్నట్లు ఊహించునే సీక్వెన్స్ లో సప్తగిరి మార్క్ కామెడీ కనిపించింది. అక్కడక్కడా కొన్ని పంచ్ లు పేలాయి.  అయితే.. సినిమాలో ఒరిజినాలిటీ మిస్ అయ్యింది.  ఈ చిత్రంలో నటుడుగా సప్తగిరిలో కొంచెం కొత్తదనం చూడవచ్చు. మునుపటి కొన్ని సినిమాల్లోలా కాకుండా ఈ సినిమాలో తన పాత్ర అందుకు తగ్గట్టుగా తన సెటిల్డ్ పెర్ఫామెన్స్ ఒకింత క్లీన్ గా కనిపిస్తుంది. అలాగే కొన్ని కామెడీ సీన్స్ లో తన టైమింగ్ అలాగే హావభావాలు మంచి ఫన్ తెప్పిస్తాయి. ఇక హీరోయిన్ గా ప్రియాంక శర్మ తన రోల్ లో ఫిట్ అయ్యింది. పెద్ద పెద్ద డ్రీమ్స్ ఉండే అమ్మాయిలా తన నటన, మంచి స్క్రీన్ ప్రెజెన్స్ తో ఆమె ఆకట్టుకుంటుంది.  ప్రమోదిని, అన్నపూర్ణమ్మ, వడ్లమాని శ్రీనివాస్  కామెడీ నవ్వించడం అటుంచితే.. కచ్చితంగా విసిగిస్తుంది. మురళీధర్ గౌడ్ కాస్త నవ్వించే ప్రయత్నం చేశాడు కానీ వర్కవుట్ అవ్వలేదు. కిట్టయ్య, ఆటో రాంప్రసాద్, మీసాల లక్ష్మణ్  తదితరులు తమ తమ పాత్రల పరిధి మేరకు పర్వాలేదనిపించుకున్నారు. మరో నటుడు భాషా ఓవర్ యాక్షన్ తో చిరాకు పెట్టించాడు.  సినిమాల్లో మీమ్స్ రిఫరెన్సులు ఉండడం వేరు, మీమ్స్ ని ఇష్టానుసారంగా సినిమాల్లో వాడుకుంటూ.. కథనంతో సంబంధం లేకుండా కేవలం మీమ్స్ తోనే కానిచ్చేద్దాం అనుకోవడం వేరు. “పెళ్లి కాని ప్రసాద్” ఈ రెండో కేటగిరీకి చెందిన సినిమా. అ మీమ్స్ కాస్త తగ్గించి, రొడ్డకొట్టుడు పంచ్ లు పక్కనెట్టి, కథలోని కీలకమైన ట్విస్ట్ & సెన్సిబిలిటీస్ ను ఇంకాస్త బెటర్ గా ట్రీట్ చేసి ఉంటే ఓ మోస్తరు సినిమాగానైనా నిలిచి ఉండేది. ఇంటర్వెల్ బ్లాక్, సెకండాఫ్ లో వచ్చే కొన్ని సీన్స్ కాస్త నవ్వించగలిగాయి. ఓవరాల్ గా దర్శకుడిగా, కథకుడిగా అభిలాష్ రెడ్డి మెప్పించలేకపోయాడని చెప్పాలి.

సాంకేతిక వర్గం: ఈ చిత్రంలో సినిమాటోగ్రఫీ బాగుంది.  మ్యూజిక్ ఓకే.  ఎడిటింగ్ ఫర్వాలేదు .అయితే.. ఇవేవి సినిమాని ఎఫెక్టివ్ గా మార్చలేదు. నిర్మాణ విలువలు సినిమా స్థాయికి తగ్గట్టుగానే ఉన్నాయి.   టైటిల్ సాంగ్ & ఇనీషియల్ బ్యాగ్రౌండ్ స్కోర్ విన్న తర్వాత నిజంగానే శేఖర్ చంద్ర ఈ సినిమాకి సంగీతం అందించాడా అనే సందేహం కలగకమానదు. ఒక్క మెలోడీ తప్ప ఏదీ వినసొంపుగా లేదు. సుజాత సిద్ధార్థ్ సినిమాటోగ్రఫీ వర్క్ డీసెంట్ గా ఉన్నప్పటికీ.. హీరోని కాస్త బ్రైట్ గా చూపించడం కోసం డి.ఐలో చేసిన ప్రయత్నం తెరపై బెడిసికొట్టింది. ఆ కారణంగా సినిమాటోగ్రఫీ వర్క్ కూడా పూర్తిస్థాయిలో ఎలివేట్ అవ్వలేకపోయింది.   దర్శకుడు అభిలాష్ రెడ్డి విషయానికి వస్తే.. తాను ఒక మంచి కామెడీ ఎంటర్టైనర్ ని ప్లాన్ చేసుకున్నారు కానీ దానిని బెటర్ గా షేప్ అవుట్ చేయడంలో డిజప్పాయింట్ చేసారని చెప్పక తప్పదు.

ఇంకా చదవండి: మర్డర్ మిస్టరీ సస్పెన్స్ క్రైం థ్రిల్లర్ ‘ది సస్పెక్ట్’

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!