చిత్రం:  'మ్యాడ్ స్క్వేర్' 

విడుదల : మార్చి 27, 2025

మొబైల్ మసాలా రేటింగ్ : 3/5

నటీనటులు : నార్నే నితిన్, సంగీత్ శోభన్, రామ్ నితిన్, సత్యం రాజేష్, మురళీధర్ గౌడ్, విష్ణు ఓఐ తదితరులు

దర్శకత్వం : కళ్యాణ్ శంకర్

నిర్మాతలు : హారిక సూర్యదేవర, సాయి సౌజన్య.

సంగీతం : భీమ్స్

సినిమాటోగ్రఫీ : షామ్ దత్

ఎడిటర్ : నవీన్ నూలి

'మ్యాడ్' చిత్రానికి సీక్వెల్ గా రూపొందిన చిత్రం ‘మ్యాడ్ స్క్వేర్'. నార్నె నితిన్, సంగీత్ శోభన్, రామ్ నితిన్‌ ప్రధాన పాత్రలు పోషించిన ఈ చిత్రానికి కళ్యాణ్ శంకర్ దర్శకత్వం వహించారు. కాగా ఈ సినిమా  నేడు (మార్చి 27, 2025)  విడుదల అయింది. మరి ఈ చిత్రం ప్రేక్షకులను  ఏ మేరకు మెప్పించిందో  రివ్యూలోకి వెళ్లి తెలుసుకుందాం... 

కథ : నార్నే నితిన్ (అశోక్), సంగీత్ శోభన్ (డిడి అలియాస్ దామోదర్), మనోజ్(రామ్ నితిన్) ఈ ముగ్గురు కాలేజీ నుంచి బయటకు వచ్చిన మూడు సంవత్సరాల తర్వాత లడ్డూ పెళ్లి కోసం కలుస్తారు. ఆ పెళ్లిలో జరిగిన అనేక నాటకీయ సంఘటనల నేపథ్యంలో లడ్డూ పెళ్లి ఆగిపోతుంది. పెళ్లి కూతురు లేచిపోతుంది. ఆ తర్వాత జరిగిన కొన్ని సంఘటనల అనంతరం ఈ మ్యాడ్ బ్యాచ్ గోవాకి వెళ్తుంది. అయితే, గోవాలో ఈ బ్యాచ్ కి అనుకోని సమస్యలు ఎదురవుతాయి. అసలు గోవాలో మ్యాక్స్ (సునీల్)కి ఈ మ్యాడ్ బ్యాచ్ కి మధ్య సంబంధం ఏమిటి?, లాకెట్ కోసం మ్యాక్స్ ఏం చేశాడు ?, ఈ మధ్యలో ఈ మ్యాడ్ బ్యాచ్ ఎలాంటి పనులు చేసింది?, చివరకు మ్యాడ్ బ్యాచ్ ఏం చేసింది ? అనేది మిగిలిన కథ.

విశ్లేషణ:  ‘మ్యాడ్ స్క్వేర్’ అంటూ వచ్చిన ఈ యూత్ ఫుల్ కామెడీ ఎంటర్ టైనర్ సరదాగా సాగుతూ ఆకట్టుకుంది. ప్రధాన పాత్రలను కథకు టర్నింగ్ పాయింట్స్ గా దర్శకుడు చాలా బాగా రాసుకున్నాడు. సినిమా చివర్లో వచ్చే ట్విస్ట్ కూడా బాగుంది. ఇక మిగిలిన నటీనటులు కూడా తమ పాత్ర పరిధి మేరకు బాగా చేశారు. సినిమాలోని ప్రధాన పాత్రలు, ఆ పాత్రల మధ్య డ్రామా, మరియు నటీనటుల నటన.. మొత్తం మీద  దర్శకుడు కళ్యాణ్ శంకర్ ఈ సినిమాను వినోదాత్మకంగా   నడిపాడు. అయితే.. ద్వితీయార్ధంలో   కొన్ని సన్నివేశాలు స్లోగా సాగడం, అలాగే కొన్ని సీన్స్ రెగ్యులర్ గా ఉండటం వంటి అంశాలు సినిమాకి కొంత  మైనస్ అయ్యాయి. ఐతే, ఓవరాల్ గా ఈ సినిమా చూసి ప్రేక్షకులు మనస్ఫూర్తిగా నవ్వుకుంటారనడంలో ఎలాంటి సందేహం లేదు. ఈ సినిమా ప్రేక్షకులకు బాగా  కనెక్ట్ అవుతుంది. దర్శకుడు కళ్యాణ్ శంకర్ ఈ సినిమాలో చాలా క్యారెక్టర్స్ ను, అలాగే చాలా ప్లాట్ పాయింట్స్ పెట్టి మంచి ఫన్ రాబట్టినప్పటికీ.. కొన్ని సన్నివేశాలను స్లోగా నడిపారు. మొయిన్ గా సెకండ్ హాఫ్ లో వచ్చే కొన్ని సీన్స్ స్లోగా సాగుతూ ఆశించిన స్థాయిలో ఆకట్టుకోవు. అదే విధంగా కొన్ని సీన్స్ ఇప్పటికే చాలా సినిమాల్లో ఇలాంటి కామెడీని చూసేసాం కదా భావన కలుగుతుంది. అయితే ప్రేక్షకులు మాత్రం మనస్ఫూర్తిగా సినిమాలో చాలా సార్లు నవ్వుకుంటారు. సినిమాలో ప్రధానంగా సాగిన కామెడీ ఎపిసోడ్స్ అండ్ ఫస్ట్ హాఫ్ లో పెళ్లి సీక్వెన్స్ అలాగే చాలా చోట్ల ఫన్ ఎలిమెంట్స్ బాగున్నాయి. మొత్తానికి స్ట్రైకింగ్ కామెడీతో సినిమా మంచి ఫన్ మోడ్ లో సాగింది. మెయిన్ గా యూత్ ని ఆకట్టుకుంది. ఇక ఫ్రెండ్స్ గా కనిపించిన నార్నే నితిన్, సంగీత్ శోభన్, రామ్ నితిన్ మరియు విష్ణు ఓఐ తమ పెర్ఫార్మన్స్ తో ఆకట్టుకున్నారు. ముఖ్యంగా సంతోష్ శోభన్ డీసెంట్ లుక్స్ అండ్ నీట్ పెర్ఫార్మన్స్ తో ఆకట్టుకున్నాడు. నార్నే నితిన్ కూడా మంచి నటనను కనబరిచాడు. అలాగే, విష్ణు ఓఐ, రామ్ నితిన్ తమ ఈజ్ కామెడీ టైమింగ్ తో ఇంప్రెస్ చేసారు. ఇతర కమెడియన్స్ గా సత్యం రాజేష్, మురళీధర్ గౌడ్, నటుడు రఘుబాబు బాగానే నవ్వించారు. ఈ మ్యాడ్ బ్యాచ్ అనుకోని సంఘటనలతో చిక్కుకునే సన్నివేశాలు.. అలాగే ఆ సమస్యల నుంచి వీరు తప్పించుకోవడానికి ప్రయత్నించే సన్నివేశాలు బాగా అలరిస్తాయి. ఆ సన్నివేశాల్లో అందరి నటన చాలా బాగుంది. హీరోయిన్ గా నటించిన ప్రియాంక జావల్కార్ కూడా ఆకట్టుకుంది. తన గ్లామర్ తో పాటు తన నటనతోనూ  మెప్పించింది. తన నటన అందర్నీ కట్టిపడేసింది.  

సాంకేతిక విభాగం : టెక్నీకల్ టీం లో భీమ్స్ మ్యూజిక్ ఆకట్టుకుంటుంది. ఆయన మార్క్ సాంగ్స్ అలరిస్తాయి. షామ్ దత్ సినిమాటోగ్రఫీ సూపర్ గా ఉంది. ఎడిటింగ్, డైలాగ్స్ ఓకే.  ఈ చిత్రంలో మేకర్స్ పెట్టిన నిర్మాణ విలువలు బాగున్నాయి. ఎక్కడా కాంప్రమైజ్ కాకుండా సినిమాని తెరకెక్కించారు. ఒక విధంగా చెప్పాలంటే నిర్మాణ విలువలు  సినిమా  స్థాయికి తగ్గట్టే ఉన్నాయి. మరి ఎందుకు ఆలస్యం .. గో వాచ్ ఇట్  'మ్యాడ్ స్క్వేర్' 

ఇంకా చదవండి: L2: ఎంపురాన్ మూవీ రివ్యూ : పొలిటికల్‌ యాక్షన్‌ థ్రిల్లర్‌!

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!