గత కొద్ది రోజులుగా బాలీవుడ్‌ భామ ఊర్వశీ రౌతేలా పేరు మీడియాలో మారు మ్రోగిపోతోంది. నిజానికి ఊర్వశీ రౌతేలా టాలీవుడ్‌ లోకి 2023లో అడుగు పెట్టిన ఏడాదే ‘వాల్తేర్‌ వీరయ్య’తో పాటు ‘ఏజెంట్‌’, ‘బ్రో’ , ‘స్కంద’ మూవీస్‌ లో స్పెషల్‌ సాంగ్‌ లో నర్తించి భారీ ఎత్తున సందడి చేసేసింది. అయితే అప్పటికే ఆమె ‘బ్లాక్‌ రోజ్‌’ అనే ద్విభాషా చిత్రం (తెలుగు, హిందీ)లో హీరోయిన్‌ గా నటించింది కానీ అదింకా విడుదలకు నోచుకోలేదు. ఇక బాలకృష్ణ సరసన ఏ ముహూర్తాన ఊర్వశీ రౌతేలా ‘డాకు మహరాజ్‌’లో నటించిందో కానీ ఆమె ప్రతి కదలిక అందరి దృష్టినీ విశేషంగా ఆకర్షించింది. ఆమెతో కలిసి బాలకృష్ణ వేసి స్పెప్పులు సోషల్‌ మీడియాలో పాజిటివ్‌ గానూ నెగెటివ్‌ గానూ కూడా వైరల్‌ అయ్యాయి. దానికి తోడు ఇటీవల ఈ సినిమా నెట్‌ ఫ్లిక్స్‌ లో స్ట్రీమింగ్‌ కాగానే... ఆమె సన్నివేశాలను, పాటను తొలగించారనే ప్రచారం జరిగిపోయింది. కానీ అందులో నిజం లేదని తెలిసింది.

అయితే... ఓటీటీలో వివిధ భాషల్లో స్ట్రీమింగ్‌ కాగానే ప్రేక్షకులు బ్రహ్మ రథం పట్టేస్తున్నారు. ఇది చాలదన్నట్టుగా ఇప్పుడు ఈ అందాల ముద్దుగుమ్మ జూనియర్‌ ఎన్టీఆర్‌- ప్రశాంత్‌ నీల్‌ మూవీలోనూ ఓ కీలక పాత్ర పోషించబోతోందనే వార్త ఫిల్మ్‌ సర్కిల్స్‌ లో చక్కర్లు కొడుతోంది. ఇటీవలే ఈ సినిమా షూటింగ్‌ ను దర్శకుడు ప్రశాంత్‌ నీల్‌ మొదలెట్టాడు. అందులో ఊర్వశీ నటిస్తోందని, వచ్చే షెడ్యూల్‌ లో ఆమె జాయిన్‌ అవుతుందని అంటున్నారు. ప్రస్తుతం రామోజీ ఫిల్మ్‌ సిటీలో ఓల్ట్‌ కోల్‌ కతా బ్యాక్‌ డ్రాప్‌ లో కొన్ని సన్నివేశాలను చిత్రీకరిస్తున్నారు. ఈ పీరియాడిక్‌ యాక్షన్‌ మాస్‌ మూవీలో ఎన్టీయార్‌ సరసన రుక్మిణీ వసంత్‌ నటిస్తోంది. అలానే మలయాళ స్టార్‌ హీరో టొవినో థామస్‌ కీలక పాత్ర పోషిస్తున్నాడు. వచ్చే యేడాది జనవరి 9న రాబోతున్న ఈ సినిమాను మైత్రీ మూవీ మేకర్స్‌ సంస్థ నిర్మిస్తోంది. విశేషం ఏమంటే... ‘వాల్తేర్‌ వీరయ్య, డాకు మహారాజ్‌’ తర్వాత ఊర్వశీ రౌతేలాకు ఇది మూడో సంక్రాంతి మూవీ అవుతుంది.

ఇంకా చదవండి: బాలీవుడ్‌లో స్త్రీ పాత్రలకు తక్కువ ప్రాధాన్యత : కంగనా

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!