జూనియర్‌ ఎన్టీఆర్‌  పాన్‌ ఇండియా చిత్రం ’దేవర’ సినిమాతో బాలీవుడ్‌ ముద్దుగుమ్మ అతిలోక సుందరి శ్రీదేవి గారాల పట్టి జాన్వీ కపూర్‌   తెలుగు చిత్ర పరిశ్రమలోకి, సౌత్‌ సినీ ఇండస్ట్రీలోకి అడుగుపెట్టిన విషయం తెలిసిందే.  2018లో 'దడక్‌' అనే హిందీ చిత్రంతో సినిమాల్లోకి ఆరంగేట్రం చేసిన ఈ చిన్నది ఓ పది చిత్రాల వరకు నటించింది కానీ రావాల్సినంత గుర్తింపు దక్కించుకోలేక. ఒక్క హిట్‌ కొట్టలేక పోయింది. తన అందాలతో బాలీవుడ్‌లో నిత్యం వార్తల్లో నిలుస్తూ వచ్చిన ఈ సుందరి ఛాన్సులు దక్కించుకోవడంలో కాస్త వెనుకబడిందనే చెప్పాలి.  అయితే  ఈ అమ్మడు తెలుగు సినిమాల వైపు దృష్టి పెట్టడంతో ఒక్కసారిగా దేశవ్యాప్తంగా చర్చల్లోకి వచ్చింది. ఈ క్రమంలో ఎన్టీఆర్‌తో నటించిన  సినిమా కాకుండా రామ్‌చరణ్‌తో ఓ సినిమా చేస్తూ హాట్‌ టాపిక్‌గా మారింది. కాగా ..  జాన్వీకపూర్‌ టాలీవుడ్‌ అగ్ర హీరో ఎన్టీఆర్‌పై ప్రశంసల వర్షం కురిపిస్తోంది. తన  ప్రతి ఇంటర్వ్యూలోనూ తారక్‌ గురించి ప్రస్తావిస్తోంది. అతని యాక్టింగ్‌, డాన్స్‌  గురించి పదేపదే చెబుతోంది. వీరిద్దరూ కలిసి ‘దేవర’ చిత్రంలో నటించిన విషయం తెలిసిందే.     ‘తెలుగువారి పనితీరు నాకు ఎంతో ఇష్టం. వారు కళను, సినిమాను గౌరవిస్తారు వారి వ్యవహారం హుందాగా ఉంటుంది. కథపై నమ్మకంతో పని చేస్తారు.  ;దేవర' సమయంలో తారక్‌ డాన్స్‌  వేగాన్ని చూసి ఆశ్చర్యపోయాను. ఎన్టీఆర్‌ ఒక్క సెకనులో దేన్నైనా  నేర్చుకోగలరు. అదే విషయాన్ని నేర్చుకోవడానికి నాకు 10 రోజులు పడుతుంది అన్నారు. వ్యక్తిగత విషయాల గురించి చెబుతూ ’ఎంత ఎదిగినా ఒదిగి ఉండాలని నా తల్లిదండ్రులు నేర్పారు. వాళ్లతో పాటు నా ఫ్యాన్స్‌ నన్ను చూసి గర్వించేలా ఉంటాను. ప్రస్తుతం సంతోషకరమైన జీవితాన్ని గడుపుతున్నాను. రిలేషన్‌ గురించి వెల్లడించే  సమయం లేదు' అని జాన్వీ చెప్పుకొచ్చారు.  సోషల్‌ మీడియా ట్రోల్స్‌ పై స్పందిస్తూ ... 

తనపై ప్రముఖ సోషల్‌ మీడియా  వెబ్‌సైట్‌   ’రెడిట్‌’లో  వచ్చే ట్రోల్స్‌ గురించి తన సోదరి చెప్పేవరకు తెలియదని   జాన్వీ కపూర్‌ అన్నారు. ‘నాకు సోషల్‌ మీడియా అంటే భయం. దానికి దూరంగా ఉంటాను. ’రెడిట్‌’లో చాలా మంది నిన్ను ట్రోల్‌ చేస్తున్నారు అక్క అని ఖుషీ చెప్పే వరకు నాకు తెలియదు. వాటిని చూశాక ఎలా స్పందించాలో అర్థంకాలేదు. అందులో దారుణమైన ట్రోల్స్‌ కూడా ఉన్నాయి. వాటిని నేను పట్టించుకోను’ అని చెప్పారు. గతంలోనూ జాన్వీ ఆన్‌లైన్ వేదికగా స్టార్‌ కిడ్స్‌ ఎదుర్కొంటున్న విమర్శలపై పలుసార్లు ఆసక్తికర వ్యాఖ్యలు చేశారు. ‘సామాజిక మాధ్యమాల్లో వచ్చే విమర్శలను సీరియస్‌గా తీసుకోవాల్సిన అవసరం లేదు. ఎందుకంటే, సోషల్‌మీడియా కల్చర్‌ అది. నువ్వు పబ్లిక్‌ ఫిగర్‌ అయినా, కాకపోయినా ఇలాంటివి నిరంతరం జరుగుతూనే ఉంటాయి. ఆ కామెంట్స్‌కు ప్రాధాన్యం ఇవ్వాల్సిన అవసరం లేదు. ఒక విషయంలో ఈరోజు పొగిడిన వాళ్లే.. రేపు తిడతారు. మనకు తెలియని వాళ్లు ఏదో అన్నారని ఇంట్లో కూర్చొని ఏడవడం ఎందుకు‘ అని అన్నారు.

ఇంకా చదవండి:  ప్రభాస్‌తో పెళ్లి నిజమైతే బాగుండు అనుకున్నా...

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!