ప్రపంచ సినిమాపై తనదైన ముద్ర వేసిన దర్శకుల్లో ఆల్ఫెడ్ర్‌ హిచ్‌కాక్‌ ఒకరు. సస్పెన్స్‌ థ్రిల్లర్స్‌ తీసే దర్శక రచయితలకు ఆయన సినిమాలు ఇన్స్పిరేషన్‌. ఆల్ఫెడ్‌ హిచ్‌కాక్‌ 125వ జయంతి సందర్భంగా, అలానే ఆయన తొలి సినిమా విడుదలై వందేళ్లు అయిన సందర్భంగా హిచ్‌కాక్‌ సినీ జీవితంపై ’మాస్టర్‌ ఆఫ్‌ సస్పెన్స్‌ హిచ్‌కాక్‌’ పేరుతో సీనియర్‌ జర్నలిస్ట్‌, సినీ రచయిత పులగం చిన్నారాయణ, ఐఆర్‌టిఎస్‌ అధికారి రవి పాడితో కలిసి పుస్తకం తీసుకొచ్చిన సంగతి తెలిసిందే. డిసెంబర్‌ 18న ఈ పుస్తకం ఫస్ట్‌ కాపీ విడుదలై, పుస్తకాలన్నీ అమ్ముడు కావడంతో సరికొత్త చేర్పులతో సెకండ్‌ ఎడిషన్‌ లాంచ్‌ చేశారు.  ’మాస్టర్‌ ఆఫ్‌ సస్పెన్స్‌ హిచ్‌కాక్‌’ బుక్‌ సెకండ్‌ ఎడిషన్‌ తీసుకొచ్చారు. దీనిని మెగాస్టార్‌ చిరంజీవి  లాంచ్‌ చేశారు. మాస్టర్‌ ఆఫ్‌ సస్పెన్స్‌ హిచ్‌కాక్‌’ బుక్‌ చూసిన చిరంజీవి ఆసక్తి కనబరిచారు.

తాను పుస్తకం చదువుతానని తెలిపారు. తెలుగులో ఇటువంటి పుస్తకం తీసుకు రావడం అభినందనీయం అని ప్రశంసించారు. ఇంకా ఆయన మాట్లాడుతూ... ‘హిచ్‌ కాక్‌ సినిమాలు కొన్నిటిని నేను కాలేజీ చదువుతున్న రోజుల్లో చూశాను. ఈ పుస్తకాన్ని ఖాళీ సమయం దొరికినప్పుడల్లా పది పదిహేను రోజుల్లో చదివేస్తాను. ప్రపంచ సినిమా చరిత్రలో దిగ్గజ దర్శకుడి గురించి తెలుగులో బుక్‌ రావడం అభినందనీయం. ఇలాంటి పుస్తకాలను పులగం చిన్నారాయణ, రవి పాడి మరిన్ని సంకల్పించాలి‘ అని అన్నారు. ప్రసిద్ధ నవలా రచయిత మల్లాది వెంకట కృష్ణమూర్తి ఈ పుస్తకానికి ముందుమాట రాయడంతో పాటు ఆయన కెరీర్‌ లో తొలిసారి ఒక పుస్తకాన్ని ప్రశంసిస్తూ పాడ్‌ కాస్ట్‌ విడుదల చేశారు. అలాగే సంచలన దర్శకులు రామ్‌ గోపాల్‌ వర్మ కూడా ముందుమాట రాశారు.

ఇంకా చదవండి:  'ఛావా'కు మోదీ ప్రశంసలు.. సంతోషాన్ని వెల్లడించిన నటుడు విక్కీ కౌశల్‌

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!