కథల ఎంపికలో జోరు చూపిస్తోంది అందాల తార శ్రీలీల. ఇప్పటికే  ‘భగవంత్‌ కేసరి’, ‘గుంటూరు కారం’ లాంటి చిత్రాలతో తెలుగు ప్రేక్షకులకు చేరువైన ఈమె.. ఇప్పుడు బాలీవుడ్‌లోనూ తన నటనను నిరూపించుకోవడానికి సిద్ధమైంది. బాలీవుడ్‌ కథానాయకుడు సిద్దార్థ్‌ మల్హోత్రా ‘మిట్టి’ అనే చిత్రంలో నటిస్తున్నట్లు కొన్ని రోజులుగా వార్తలు వస్తోన్న సంగతి తెలిసిందే. బల్వీందర్‌ సింగ్‌ దీన్ని తెరకెక్కిస్తున్నారు. ఇప్పుడీ సినిమాలో కథానాయికగా శ్రీలీల ఎంపికైనట్లు సమాచారం. ‘’కుటుంబ భావోద్వేగాలతో కూడిన యాక్షన్‌ థ్రిల్లర్‌ చిత్రమిది. ఈ కథ విన్న వెంటనే సిద్దార్థ్‌ సరసన నటించడానికి అంగీకారం తెలిపింది శ్రీలీల. ఈ చిత్రంతో తన బాలీవుడ్‌ ప్రయాణం ప్రారంభం కాబోతున్నందుకు చాలా ఉత్సాహంగా ఉందీమె.

ప్రస్తుతం ప్రీ-ప్రొడక్షన్‌ దశలో ఉన్న ఈ సినిమా చిత్రీకరణను అక్టోబరులో మొదలు పెట్టడానికి సన్నాహాలు చేస్తున్నారని చిత్ర సన్నిహిత వర్గాలు తెలిపాయి. ప్రస్తుతం ‘రాబిన్‌హుడ్‌’, ‘ఉస్తాద్‌ భగత్‌సింగ్‌’ సినిమాలతో బిజీగా ఉంది శ్రీలీల. తెలుగు నాట వరుస భారీ సినిమాలతో దూసుకుపోతోంది అచ్చ తెలుగు సోయగం శ్రీలీల ఈ యేడు గుంటూరు కారం సినిమాతో ప్రేక్షకుల ముందుకు వచ్చిన ఈ ముద్దగుమ్మ ఈమధ్య సినిమాలకు కాస్త గ్యాప్‌ ఇచ్చి తన ఎడ్యుకేషన్‌ పూర్తి చేసే పనిలో నిమగ్నమైంది. ఈ క్రమంలో సెలవు లభించినప్పుడల్లా విహార యాత్రలు చేస్తోంది. ప్రైవేట్‌ కార్యక్రమాలలో ఎక్కువగా పాల్గొంటోంది. తాజాగా శ్రీలీల ఓ మ్యాగ్జిన్‌ కోసం బంగారు వర్ణం డ్రెస్‌లో దర్శనమిచ్చి అహుతులను షాక్‌కు గురి చేసింది.ఇంతకుముందు కన్నా కాస్త గ్లామర్‌ను జత చేసి హోయలు పోతూ తన అభిమానులకు సరికొత్త ట్రీట్‌ ఇచ్చింది.  ఈ ఫొటోలు సోషల్‌ మీడియాలో తెగ వైరల్‌ అయ్యాయి.

ఇంకా చదవండి: రిలేషన్‌ గురించి వెల్లడించే సమయం లేదు : బాలీవుడ్‌ బ్యూటీ జాన్వీకపూర్‌!

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!