ది ఇండియ‌న్ ఫిల్మ్ ఫెస్టివ‌ల్ ఆఫ్ మెల్‌బోర్న్(ఐఎఫ్ఎఫ్ఎం) 15 ఎడిష‌న్‌కు గెస్ట్ ఆఫ్ హాన‌ర్ అవార్డును గ్లోబ‌ల్ స్టార్ రామ్ చ‌ర‌ణ్ అందుకోనున్నారు. మెల్‌బోర్న్‌లో జ‌ర‌గ‌నున్న ఈ ఇండియ‌న్ సినీ అవార్డుల‌కు రామ్ చ‌ర‌ణ్ త‌న స్టార్ పవ‌ర్‌ను జోడించ‌టం అనేది ఆస‌క్తిక‌రంగా మారింది. భార‌తీయ చ‌ల‌న చిత్ర పరిశ్ర‌మలో భారీ విజ‌యాల‌ను ద‌క్కించుకుని రామ్ చ‌ర‌ణ్ ప్రేక్ష‌కుల మ‌న‌సుల్లో సుస్థిర‌మైన స్థానాన్ని ద‌క్కించుకున్నారు. IFFM అనేది ఆస్ట్రేలియాలోని విక్టోరియన్ రాష్ట్ర ప్రభుత్వం ఏటా నిర్వహించే అధికారిక చలనచిత్రోత్సవం. ఈ వేడుక‌లు 15-25 ఆగస్టు 2024 వరకు జరగ‌నున్నాయి.