ఈ మధ్యకాలంలో స్టార్‌ హీరోలు టాలీవుడ్‌ సినిమాల్లోకి ఎంట్రీ ఇచ్చి మంచి గుర్తింపు సంపాదించు కుంటున్నారు. ఇందులో మలయళ స్టార్‌ హీరో పృధ్వీరాజ్‌ సుకుమారన్‌ ఒకరు. ’సలార్‌’ మూవీలో ప్రభాస్‌తో సమానంగా నటించి తెలుగులో తిరుగులేని పాపులారిటి దక్కించుకున్నాడు. తాజాగా స్వీయ దర్శకత్వంలో ’లూసిఫర్‌2: ఎంపురాన్‌’ మూవీలో నటిస్తున్నాడు పృధ్వీరాజ్‌. ఇందులో మోహన్‌లాల్‌ కథానాయకుడిగా నటించాడు.

ఈ చిత్రం మార్చి 27న ప్రేక్షకుల ముందుకు రానుంది. కాగా ఈ సినిమా కోసం ప్రమోషన్‌ భారీగానే చెస్తున్నారు మూవీ టీం. ఇందులో భాగంగా ఓ ఇంటర్వ్యూలో పాల్గోన్న పృధ్వీరాజ్‌ సుకుమారన్‌ మలయాళ ఇండస్ట్రీలో  ఒత్తిడి గురించి వైరల్‌ కామెంట్స్‌ చేశాడు.. చాలా వరకు మిగతా ఇండస్ట్రీలలో ఉన్నంతగా ఒత్తిడి  మాలీవుడ్‌ లో ఉండదు అంటారు నిజమా? అని ప్రశ్నించడంతో పృథ్వీరాజ్‌ స్పందిస్తూ.. ’ మిగతా ఇండస్ట్రీలలాగే మలయాళంలో కూడా సినిమాకి లాభాలు రావడానికి చాలా ఒత్తిడి ఉంటుంది.

అంత ఒత్తిడిలో కూడా మాలీవుడ్‌ గొప్ప సినిమాలు అందిస్తోంది. కానీ మంచి కథలు కాకపోతే ప్లాప్‌ అవ్వడం కాయం అని ప్రేక్షకులు ఇప్పటికే ఎన్నోసార్లు నిరూపించారు. ఈ విషయంలో వాళ్లకు కృతజ్ఞతలు చెప్పాలి. ఎందుకంటే ఈ కారణంగా గత కొంత కాలంగా నటీనటులు ఎవరు? దర్శకుడు ఎవరు? అనే దానితో సంబంధం లేకుండా మంచి సినిమాలు భారీ కలెక్షన్లను సొంతం చేసుకుంటున్నాయి. మేము విజయం సాధించాం అనడానికి ఇదే నిదర్శనం. కథ బాగుంటే హీరో ఎవరనేదానితో సంబంధం లేకుండా మూవీ హిట్‌ అవుతాయి. అందుకే మంచి కథను ఎంచుకుంటే ప్రేక్షకులు ఆదరిస్తారనే నమ్మకంతో ఉన్నాం. మన పనికి మనం కట్టుబడి ఉంటే తర్వాత ఫలితాన్ని ప్రేక్షకులే అందిస్తారు’ అని పృథ్వీరాజ్‌ సుకుమారన్‌ తెలిపాడు.

ఇంకా చదవండి: అందరూ దయతో ఉండండి : రష్మిక ఇంట్రెస్టింగ్‌ పోస్ట్‌

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!