అగ్ర దర్శకుడు పూరీ జగన్నాథ్‌ ప్రస్తుతం ఒక సాలిడ్‌ కంబ్యాక్‌ కోసం ఎదురుచూస్తున్న విషయం తెలిసిందే. ఆయన గత చిత్రాలైన లైగర్‌, డబుల్‌ ఇస్మార్ట్‌ చిత్రాలు బాక్సాఫీస్‌ వద్ద డిజాస్టర్‌ అవ్వడంతో ఎలాగైన మళ్లీ హిట్టు కొట్టాలనే కసితో పని చేస్తున్నాడు. ఈ క్రమంలోనే ఆయన లేటెస్ట్‌ ప్రాజెక్ట్‌కు సంబంధించి ఒక సాలిడ్‌ న్యూస్‌ బయటికి వచ్చింది. పూరీ జగన్నాథ్‌  గోపిచంద్‌ కాంబోలో వచ్చిన సూపర్‌ హిట్‌ చిత్రం గోలిమార్‌. ప్రియమణి కథానాయికగా నటించగా.. బెల్లంకొండ సురేష్‌ బాబు ఈ సినిమాను నిర్మించాడు.

2010లో విడుదలైన ఈ చిత్రం మంచి విజయాన్ని అందుకోవడమే కాకుండా గోపిచంద్‌ కెరీర్‌లో మరిచిపోలేని చిత్రంగా మిగిలింది. పోలీస్‌ మాఫీయా బ్యాక్‌డ్రాప్‌లో వచ్చిన ఈ చిత్రంలో గంగారాం అనే పోలీస్‌ పాత్రలో ఆకట్టుకున్నాడు గోపిచంద్‌. అయితే ఈ సినిమా వచ్చి 15 ఏండ్ల అవుతున్న తర్వాత ఈ సినిమాకు పూరీ జగన్నాథ్‌ సీక్వెల్‌ ప్లాన్‌ చేస్తున్నట్లు తెలుస్తుంది. ఇప్పటికే ఈ ప్రాజెక్ట్‌కు సంబంధించిన స్క్రిప్ట్‌ పనులు కూడా పూర్తయినట్లు తెలుస్తుంది. గోపిచంద్‌ కూడా ఈ ప్రాజెక్ట్‌పై ఆసక్తిగా ఎదురుచూస్తున్నట్లు తెలుస్తుంది. మరోవైపు ఈ సీక్వెల్‌ను కూడా బెల్లంకొండ సురేష్‌ నిర్మించబోతున్నట్లు తెలుస్తుంది. కాగా దీనిపై అధికారిక ప్రకటన రావాల్సి ఉంది.

ఇంకా చదవండి:  'పింక్‌' సినిమా సమయంలో ఎన్నో ఇబ్బందులు ఎదుర్కొన్నా : కీర్తి కుల్హారి

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!