పాన్‌ ఇండియా స్టార్‌ హీరో ప్రభాస్‌ ప్రస్తుతం చేతినిండా సినిమాలతో బిజీగా ఉన్న సంగతి తెలిసిందే. కొన్ని నెలలుగా రాజాసాబ్‌ చిత్రీకరణలో బిజీగా ఉన్నారు డార్లింగ్‌. ఇదిలా ఉంటే.. డార్లింగ్‌ సరసన మరోసారి ఛాన్స్‌ కొట్టేసింది బాలీవుడ్‌ బ్యూటీ దిశా పటానీ. ఇప్పటికే ప్రభాస్‌ తో కలిసి ఓ సినిమాలో నటించి మెప్పించింది దిశాపటానీ. కొన్నాళ్లుగా బాలీవుడ్‌ ఇండస్ట్రీలో సరైన హిట్టు కోసం ఎదురుచూస్తున్న ఈ అమ్మడుకు.. ఇప్పుడు ప్రభాస్‌ సరసన వరుస ఆఫర్స్‌ వస్తున్నాయి. దీంతో దేశవ్యాప్తంగా దిశా పేరు మారుమోగుతుంది.  మోడలింగ్‌ ద్వారా సినీరంగంలోకి అడుగుపెట్టిన దిశాపటానీ.. మిస్‌ ఇండియా పోటీల్లో పాల్గొని హైలెట్‌ అయ్యింది.

ఆ తర్వాత వరుణ్‌ తేజ్‌ సరసన లోఫర్‌ సినిమాతో తెలుగు తెరకు కథానాయికగా పరిచయమైంది. కానీ ఈ సినిమా ప్లాప్‌ కావడంతో ఆమె బాలీవుడ్‌ షిఫ్ట్‌ అయ్యింది. హిందీలో వరుస ఆఫర్స్‌ అందుకుంటూ అక్కడే స్టార్‌ స్టేటస్‌ సంపాదించుకుంది. చాలా కాలం తర్వాత ఇటీవల నాగ్‌ అశ్విన్‌ తెరకెక్కించిన కల్కి చిత్రంలో ప్రభాస్‌ జోడిగా కనిపించింది. ఈ మూవీతో పాన్‌ ఇండియా లెవల్లో మరోసారి పాపులర్‌ అయ్యింది. ఇక ఇప్పుడు మరోసారి ప్రభాస్‌ సరసన కనిపించనుందట. డైరెక్టర్‌ హను రాఘవపూడి దర్శకత్వంలో డార్లింగ్‌ నటిస్తున్న సినిమాలో ఇమాన్వీ కథానాయికగా నటిస్తున్న సంగతి తెలిసిందే. ఇందులో మరో హీరోయిన్‌ దిశా పటాని కనిపించనుందని అంటున్నారు.

ఇంకా చదవండి:  అందం, అభినయంతో అదరగొడుతున్న పాయల్‌రాజ్‌పుత్‌

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!