టాలీవుడ్‌ యాక్టర్‌ మంచు విష్ణు టైటిల్‌ రోల్‌లో నటిస్తోన్న చిత్రం 'కన్నప్ప'. బాలీవుడ్‌ డైరెక్టర్‌ ముఖేశ్‌ కుమార్‌ సింగ్‌ దర్శకత్వం వహిస్తున్నాడు. ఈ చిత్రంలో కలెక్షన్‌ కింగ్‌ మోహన్‌ బాబు, గ్లోబల్‌ స్టార్‌ ప్రభాస్‌, మోహన్‌ లాల్‌, నయనతార, మధుబాల, శరత్‌కుమార్‌, శివరాజ్‌కుమార్‌, ఐశ్వర్య కీలక పాత్రలు పోషిస్తున్నారు. ఇప్పటికే ఆయా పాత్రలకు సంబంధించిన లుక్స్‌ విడుదల చేయగా.. నెట్టింట వైరల్‌ అవుతున్నాయి. తాజాగా సినిమా విడుదల తేదీని ప్రకటించారు మేకర్స్‌. లార్డ్‌ శివ అపర భక్తుడు 'కన్నప్ప' చిత్రాన్ని 2025 ఏప్రిల్‌ 25న ప్రపంచ వ్యాప్తంగా గ్రాండ్‌గా విడుదల చేస్తున్నట్టు ప్రకటించారు. ప్రభాస్‌-మారుతి కాంబినేషన్‌లో వస్తోన్న 'రాజాసాబ్‌' ఏప్రిల్‌ 10న విడుదల కానున్న విషయం తెలిసిందే. ఈ లెక్కన ఏప్రిల్‌లో రెండు సినిమాల మధ్య పోరు ఎలా ఉంటుందనేది ఆసక్తిగా మారింది. ఇప్పటికే 'కన్నప్ప' నుంచి లాంచ్‌ చేసిన టీజర్‌, పోస్టర్లు నెట్టింట చక్కర్లు కొడుతూ.. సినిమాపై క్యూరియాసిటీ పెంచేస్తున్నాయి.

కన్నప్ప నుంచి షేర్‌ చేసిన తిన్నడు, ముండడు, చండుడు, మారెమ్మ, పిలక-గిలక పాత్ర సోషల్‌ మీడియాలో రౌండప్‌ చేస్తున్నాయి. కన్నప్పలో బాలీవుడ్‌ యాక్టర్‌ అక్షయ్‌కుమార్‌ శివుడిగా నటిస్తున్నాడు. ఈ చిత్రానికి మెలోడీ బ్రహ్మ మణిశర్మ, స్టీఫెన్‌ దేవసి మ్యూజిక్‌, బ్యాక్‌ గ్రౌండ్‌ స్కోర్‌ అందిస్తున్నారు. ఈ మూవీని 24 ఫ్రేమ్స్‌ ఫ్యాక్టరీ, బ్యానర్లపై సంయుక్తంగా తెరకెక్కిస్తుండగా.. పరుచూరి గోపాలకృష్ణ, బుర్రా సాయిమాధవ్‌, తోట ప్రసాద్‌ స్క్రీన్‌ప్లే అందిస్తున్నారు. మంచు విష్ణు తొలి పాన్‌ ఇండియా సినిమా కావడంతో అంచనాలు భారీగానే ఉన్నాయి.

ఇంకా చదవండి: వర్మ ఫోన్‌ స్విచ్ఛాఫ్‌...!

HOW DID YOU LIKE THIS ARTICLE? CHOOSE YOUR EMOTICON !