లోకనాయకుడు కమల్‌ హాసన్‌ హీరోగా దిగ్గజ దర్శకుడు మణిరత్నం దర్శకత్వంలో కాంబోలో వస్తున్న తాజా చిత్రం ‘థగ్‌ లైఫ్‌’. ‘నాయగన్‌’ (నాయకుడు 1987) తర్వాత దాదాపు 37 ఏండ్ల తర్వాత వీరిద్దరి కాంబినేషన్‌ లో ఈ సినిమా రాబోతుండడంతో మూవీపై భారీ అంచనాలు ఉన్నాయి. ఈ చిత్రంలో కమల్‌ హాసన్‌ రంగరాయ శక్తివేల్‌ నాయకర్‌ అనే శక్తివంతమైన పాత్రలో నటిస్తుండగా.. త్రిష కథానాయికగా నటిస్తుంది. శింబు, అశోక్‌ సెల్వన్‌ కీలక పాత్రల్లో నటిస్తున్నారు.  ఇప్పటికే షూటింగ్‌ కంప్లీట్‌ చేసుకున్న ఈ చిత్రం జూన్‌ 05 2025న ప్రేక్షకుల ముందుకు రానుంది.

ఈ సందర్భంగా మూవీ నుంచి రీలీజ్‌ టీజర్‌ను విడుదల చేశారు మేకర్స్‌. ఈ టీజర్‌ చూస్తుంటే.. కమల్‌ హాసన్‌ విశ్వరూపం, విక్రమ్‌ తర్వాత మళ్లీ అలాంటి పవర్‌ఫుల్‌ రోల్‌లో నటించబోతున్నట్లు తెలుస్తుంది. రెహమాన్‌ సంగీతం అందిస్తున్న ఈ సినిమాను రాజ్‌ కమల్‌ ప్రోడక్షన్‌ బ్యానర్‌పై కమల్‌ హాసన్‌ నిర్మిస్తున్నాడు.

ఇంకా వండి: ప్రభాస్‌తో మరో మూడు భారీ సినిమాలు.. అధికారికంగా ప్రకటించిన హోంబలే ఫిల్మ్స్‌ !