ఒకవైపు ఎల్‌2 ఎంపురాన్‌ సినిమాతో మలయాళ స్టార్‌ మోహన్‌ లాల్‌ విజయం అందుకున్నాడు. పృథ్వీరాజ్‌ సుకుమారన్‌ ఈ సినిమాకు దర్శకత్వం వహించగా.. బ్లాక్‌ బస్టర్‌ చిత్రం లుసిఫర్‌ సినిమాకి ఈ చిత్రం పార్ట్‌ 2గా వచ్చింది. మంజు వారియర్‌, టోవినో థామస్‌ కీలక పాత్రల్లో నటించారు. ఈ చిత్రం మార్చి 27న ప్రేక్షకుల ముందుకు వచ్చి దాదాపు రూ. 250 కోట్లకు పైగా వసుళ్లను రాబట్టింది. అయితే ఈ సినిమా తర్వాత మరో సినిమాను విడుదలకు సిద్ధం చేశాడు. ఆయన ప్రధాన పాత్రలో నటిస్తున్న తాజా చిత్రం ’తుడరుమ్‌’.

ఈ సినిమాకు మలయాళ పాపులర్‌ డైరెక్టర్‌, ఆపరేషన్‌ జీవా ఫేం తరుణ్‌ మూర్తి దర్శకత్వం వహిస్తుండగా.. రెజపుత్ర విజువల్‌ విూడియా సమర్పణలో ఎమ్‌ రెంజిత్‌ నిర్మిస్తున్నారు.ఇక ఈ చిత్రంలో సీనియర్‌ నటి శోభన కథానాయికగా నటిస్తుంది. ఇప్పటివరకు మోహన్‌ లాల్‌, శోభన కాంబోలో 55 సినిమాలు రాగా.. ఇది 56వ చిత్రంగా రాబోతుంది. మోహన్‌లాల్‌తో చివరిగా 1987లో నటించిన శోభన దాదాపు 38 ఏండ్ల తర్వాత మళ్లీ కలిసి నటిస్తుంది.

ఈ చిత్రం ఏప్రిల్‌ 25న ప్రేక్షకుల ముందుకు రానుంది. ఈ సందర్భంగా విడుదల టీజర్‌ను విడుదల చేశారు. ఈ సినిమా కథ విషయానికి వస్తే.. మోహన్‌ లాల్‌ ఇందులో టాక్సీ డ్రైవర్‌గా నటిస్తుండగా.. అతడి కారు అనుకోకుండా ఒక సమస్యలో ఇరుక్కుంటుంది. అయితే ఆ సమస్య ఏంటి.. ఆ కారుని వదిలిపెట్టి మోహన్‌లాల్‌ ఒక్కక్షణం ఎందుకు ఉండలేడు అనేది తెలియాలంటే ఈ సినిమా చూడాల్సిందే.

ఇంకా చదవండి:  25న విడుదల కానున్న 'సారంగపాణి జాతకం'

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!