ఓషో తులసిరామ్‌ తెరకెక్కించిన 'దక్షిణ’ మూవీ ట్రైలర్‌ చూసి భయపడ్డానని అన్నారు యంగ్‌ డైరెక్టర్‌ బుచ్చిబాబు సానా. 'మంత్ర, 'మంగళ’ సినిమాలతో తెలుగు చలన చిత్ర రంగంలో లేడీ ఓరియెంటెడ్‌ మూవీస్‌కి ఒక ట్రెండ్‌ క్రియేట్‌ చేసిన డైరెక్టర్‌ ఓషో తులసిరామ్‌. ఈ మధ్య కాస్త గ్యాప్‌ తీసుకున్న ఆయన మళ్లీ 'దక్షిణ’ మూవీతో ప్రేక్షకుల ముందుకు వస్తున్నారు. కల్ట్‌ కాన్సెప్ట్స్‌ మూవీ బ్యానర్‌ నిర్మాణంలో అశోక్‌ షిండే నిర్మించిన ఈ సినిమాలో 'కబాలి’ ఫేమ్‌ సాయి ధన్షిక  హీరోయిన్‌ కాగా.. 'మహాభారత్‌ మర్డర్స్‌’ ఫేమ్‌ రిషవ్‌ బసు మరొక ముఖ్య పాత్రలో నటించారు. తాజాగా ఈ చిత్ర ట్రైలర్‌ని దర్శకుడు బుచ్చిబాబు సానా చేతుల విూదుగా మేకర్స్‌ విడుదల చేశారు.

టీజర్‌ విడుదల అనంతరం బుచ్చిబాబు మాట్లాడుతూ.. ఈ మధ్యకాలంలో నన్ను బయపెట్టిన ట్రైలర్‌ ఇదే. మళ్లీ తులసి రామ్‌గారు టాలీవుడ్‌కి మరో ట్రెండ్‌ సెట్టర్‌ సైకో థ్రిల్లర్‌ని 'దక్షిణ’ సినిమాతో ఇవ్వబోతున్నారు. ట్రైలర్‌ చాలా బాగుంది. ఈ సినిమా పెద్ద హిట్టవ్వాలని మనస్ఫూర్తిగా కోరుకుంటున్నానని అన్నారు. అనంతరం నిర్మాత అశోక్‌ షిండే మాట్లాడుతూ.. బుచ్చిబాబుకు ధన్యవాదాలు తెలిపారు. 'దక్షిణ’ సినిమా సీట్‌ ఎడ్జ్‌ థ్రిల్లర్‌గా ప్రేక్షకుల ముందుకు రాబోతోంది, నెక్ట్స్‌ ఏం జరుగుతుంది? అనే సస్పెన్స్‌ ప్రేక్షకుల్లో కలిగించేలా ఉండే ఈ సినిమాను త్వరలోనే థియేటర్లలోకి తీసుకువస్తాం. ఈ సినిమా విడుదల ఎప్పుడనేది అతి త్వరలోనే ప్రకటిస్తామని నిర్మాత అశోక్‌ షిండే  చెప్పుకొచ్చారు. చిత్ర గ్లింప్స్‌కు, అలాగే ఇప్పుడు విడుదలైన ట్రైలర్‌కు మంచి స్పందన వస్తున్నందుకు ఆయన సంతోషం వ్యక్తం చేశారు. ఇంకా ఈ కార్యక్రమంలో దర్శక నిర్మాతలతో పాటు చిత్ర బృందం పాల్గొన్నది.

ఇంకా చదవండి: మమ్ముట్టి సినిమాలో నయనతార!