దేవీ మూవీస్‌ బ్యానర్‌పై నిర్మాత శివలెంక కృష్ణ ప్రసాద్‌ నిర్మించిన 'సారంగపాణి జాతకం’ చిత్రాన్ని దర్శకుడు మోహనకృష్ణ ఇంద్రగంటి తెరకెక్కించారు. ప్రియదర్శి, రూపా కొడువయూర్‌ హీరో హీరోయిన్లుగా నటించిన ఈ చిత్రం ఏప్రిల్‌ 25న విడుదల కానుంది. ఈ సందర్భంగా నిర్మాత శివలెంక కృష్ణ ప్రసాద్‌ విూడియాతో మాట్లాడారు. వైవిధ్యమైన వినోదం 'సారంగపాణి జాతకం’లో యాక్షన్‌, సస్పెన్స్‌, థ్రిల్లర్‌, కామెడీ, లవ్‌ వంటి అన్ని అంశాలు ఉన్నాయి. ఇంద్రగంటి చెప్పిన కథ విన్నప్పుడు చాలా ఉత్సాహం కలిగింది. ఈ చిత్రం థియేటర్‌లో ప్రేక్షకులను నవ్వుల్లో ముంచెత్తుతుంది. జంధ్యాల గారి స్టైల్‌లో పూర్తి వినోదాత్మక చిత్రం చేయాలన్న కోరిక ఈ సినిమాతో నెరవేరింది. ఈ చిత్రం చాలా కాలం ప్రేక్షకుల గుండెల్లో నిలిచిపోతుందన్నారు. 'జెంటిల్‌మాన్‌’, ’సమ్మోహనం’ తర్వాత మా కాంబినేషన్‌లో హ్యాట్రిక్‌ హిట్‌ రాబోతోంది.

మోహనకృష్ణ రాసిన కథ, కథనం అందరినీ ఆకట్టుకుంటుంది. ఫ్యామిలీ, యూత్‌ ఆడియెన్స్‌ను సమానంగా అలరిస్తుంది. సమ్మర్‌ హాలిడేస్‌ను దృష్టిలో ఉంచుకుని ఏప్రిల్‌ 25న విడుదల చేస్తున్నాం. మంచి థియేటర్ల కోసం కాస్త ఆలస్యమైనప్పటికీ, ఈ సీజన్‌ వినోదానికి ఉత్తమమని భావించాం. చిత్రాన్ని ఇప్పటికే చాలా మందికి చూపించగా, అందరూ అద్భుతంగా ఉందని ప్రశంసించారు. ఫస్ట్‌ హాఫ్‌ పూర్తిగా వినోదాత్మకంగా, సెకండ్‌ హాఫ్‌ నెక్‌స్ట్‌ లెవెల్‌లో ఉంటుంది.  జాతకం చుట్టూ తిరిగే కథ ఆసక్తికరంగా, సస్పెన్స్‌తో కూడి ఉంటుంది. అయితే, అతి సంక్లిష్టంగా కాకుండా అందరినీ ఆనందపరిచేలా ఉంటుందన్నారు.  కథలోని ప్రతి పాత్రకు ప్రాధాన్యత ఉంది. వెన్నెల కిషోర్‌, వైవా హర్ష, నరేష్‌, అవసరాల శ్రీనివాస్‌ వంటి నటులు నవ్వులు పంచుతారు. పాత్రలు సహజంగా కథలో భాగమై ఉంటాయి, బలవంతంగా జోదించినట్లు  అనిపించవన్నారు.  ఏప్రిల్‌ 18న థియేటర్లు సరిగ్గా దొరక్కపోవడంతో ఏప్రిల్‌ 25కి మార్చాం. ఈ చిత్రాన్ని దేశవ్యాప్తంగా భారీ ఎత్తున, ఓవర్సీస్‌లో 220కి పైగా థియేటర్లలో గ్రాండ్‌గా విడుదల చేస్తున్నామనిపేర్కొన్నారు.
ఇంకా చదవండి: అమర్‌దీప్ చౌదరి నటించిన కొత్త సినిమా ‘సుమతీ శతకం’ ఘనంగా ప్రారంభమైంది

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!