తమిళ సూపర్‌ స్టార్‌ రజినీకాంత్‌ బ్యాక్‌ టు బ్యాక్‌ సినిమాలతో బిజీగా ఉన్నాడని తెలిసిందే. వీటిలో ఒకటి కోలీవుడ్‌ డైరెక్టర్‌ నెల్సన్‌ దిలీప్‌కుమార్‌తో చేయబోతున్న సీక్వెల్‌ ప్రాజెక్ట్‌ జైలర్‌ 2. ఇప్పటికే కూలీ షూటింగ్‌లో బిజీగా ఉన్న తలైవా ఇక జైలర్‌ 2 చిత్రీకరణలో కూడా పాల్గొనబోతున్నాడు. తలైవా పుట్టినరోజు సందర్భంగా డిసెంబర్‌ 12న జైలర్‌ 2 ప్రోమో రాబోతుందని తెలిసిందే.

ఈ నేపథ్యంలో రజినీకాంత్‌ ఇళయరాజాతో కలిసి దిగిన ఫొటో ఒకటి నెట్టింట వైరల్‌ అవుతోంది. తలైవా ప్రోమో షూట్‌ కోసం ఈవీపీ ఫిలిం సిటీకి వెళ్తుండగా ఈ ఫొటో దిగారు. బర్త్‌ డేన కూలీ న్యూ లుక్‌ పోస్టర్‌ కూడా విడుదల చేసేందుకు రెడీ అవుతున్నట్టు ఇన్‌సైడ్‌ టాక్‌. జైలర్‌ 2 స్క్రిప్ట్‌ వర్క్‌ పూర్తయిందని నెల్సన్‌ దిలీప్‌ కుమార్‌ ఇప్పటికే క్లారిటీ ఇచ్చాడు. జైలర్‌ ఫస్ట్‌ పార్టులో రమ్యకృష్ణ, వినాయకన్‌, వసంత్‌ రవి , మోహన్‌ లాల్‌, శివరాజ్‌ కుమార్‌, తమన్నా కీలక పాత్రల్లో నటించగా.. సీక్వెల్‌లోని పాత్రలపై క్లారిటీ రావాల్సి ఉంది. రజినీకాంత్‌ లోకేశ్‌ కనగరాజ్‌ డైరెక్షన్‌లో చేస్తున్న కూలీ 2025లో గ్రాండ్‌గా విడుదల కానుంది.

ఇంకా చదవండి: "హరిహర వీరమల్లు" షూటింగ్ నుంచి సెల్ఫీని షేర్ చేసిన పవన్ కల్యాణ్‌