వరుస విజయాలతో దూసుకుపోతున్న నాని బ్యాక్‌ టు బ్యాక్‌ సినిమాలను లైనప్‌ చేశారు. నేచురల్‌ స్టార్‌ నాని హీరోగా నటిస్తున్న లేటెస్ట్‌ మూవీ 'హిట్‌3' సినిమాకోసం ప్రేక్షకులు ఈగర్‌గా ఎదురుచూస్తున్నారు అభిమానులు. హిట్‌ సినిమాల సిరీస్‌ లో ఇప్పటివరకు విడుదలైన రెండు సినిమాలు మంచి విజయాలను అందుకున్నాయి. ఈ క్రమంలోనే ఇప్పుడు హిట్‌ 3తో వస్తున్నారు. శైలేష్‌ దర్శకత్వంలో తెరకెక్కుతున్న ఈ సినిమా నుంచి ఇటీవలే ఓ టీజర్‌ ను విడుదల చేశారు. 

ఈ సినిమా త్వరలోనే ప్రేక్షకుల ముందుకు రానుంది. పవర్‌ ఫుల్‌ పోలీస్‌ ఆఫిసర్‌ గా ఈ సినిమాలో కనిపించనున్నాడు నాని. ఇదిలా ఉంటే ఈ సినిమా తర్వాత మరో యాక్షన్‌ ఎంటర్టైనర్‌ తో ప్రేక్షకులను పలకరించనున్నాడు. దసరా సినిమాతో మాస్‌ హీరో ఇమేజ్‌ సొంతం చేసుకున్నాడు నాని. శ్రీకాంత్‌ ఓదెల దర్శకత్వంలో వచ్చిన ఈ సినిమా భారీ హిట్‌ గా నిలిచింది. కానీ కెరీర్‌లో వన్‌ ఆఫ్‌ ది బిగెస్ట్‌ హిట్‌ గా దసరా సినిమా నిలిచింది. ఇక ఇప్పుడు మరోసారి శ్రీకాంత్‌ తో కలిసి సినిమా చేస్తున్నాడు నాని. ఈ సినిమాకు 'ది ప్యారడైజ్‌' అనే టైటిల్‌ ను ఖరారు చేశారు. తాజాగా ఈ సినిమా నుంచి గ్లింప్స్‌ ను విడుదల చేశారు.

నాని మరోసారి తెలంగాణ నేపథ్యంలో సినిమా చేస్తున్నాడు. దసరా సినిమాలో తెలంగా యాసలో మాట్లాడిన నాని ఇప్పుడు మరోసారి తెలంగాణ యాసలో అదరగొట్టనున్నాడు. తాజాగా విడుదల చేసిన వీడియో చాలా ఇంట్రెస్టింగ్‌ గా ఉంది. ‘ఇది కడుపు మండిన కాకుల కథ.. అమ్మ రొమ్ములో పాలు లేక రక్తం పోసి పెంచిన ఒక జాతి కథ’ అంటూ ఈ వీడియోలో వచ్చిన డైలాగ్స్‌ ఆకట్టుకున్నాయి. అలాగే నాని ఈ సినిమాలో డిఫరెంట్‌ లుక్‌ లో కనిపించనున్నాడు. ఈ సినిమా షూటింగ్‌ శరవేగంగా జరుగుతుంది. త్వరలోనే  ఈ సినిమా  నుంచి క్రేజీ అప్డేట్స్‌ రానున్నాయి.

ఇంకా చదవండి: స్టార్ డైరెక్టర్ సందీప్ రెడ్డి వంగా చేతుల మీదుగా యూత్ ఫుల్ ఫ్యామిలీ ఎంటర్ టైనర్ "సంతాన ప్రాప్తిరస్తు" టీజర్ రిలీజ్

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!