యుగంధర్ ముని దర్శకత్వంలో ప్రతిష్టాత్మక షైనింగ్ పిక్చర్స్ బ్యానర్‌పై రాజశేఖర్ అన్నభీమోజు, మహీధర్ రెడ్డి నిర్మిస్తున్న చిత్రం ‘శంబాల: ఎ మిస్టికల్ వరల్డ్’. ప్రామిసింగ్ స్టార్ ఆది సాయికుమార్ మొదటి సారిగా సూపర్‌ నేచురల్ హారర్ థ్రిల్లర్ చిత్రంతో రాబోతున్నారు. ఇప్పటికే రిలీజ్ చేసిన ఫస్ట్ లుక్ పోస్టర్, అర్చనా అయ్యర్, స్వసిక కారెక్టర్ లుక్ పోస్టర్‌లు ఎంతగా వైరల్ అయ్యాయో అందరికీ తెలిసిందే. ప్రస్తుతం మేకర్స్ ఇప్పుడు మరో కీలక పాత్రను పరిచయం చేశారు.

టాలెంటెడ్ ఆర్టిస్ట్ మధునందన్ ఈ శంబాల చిత్రంలో హనుమంతు అనే కానిస్టేబుల్ పాత్రను పోషిస్తున్నారు. అతని పాత్రకు సంబంధించి పరిచయం చేస్తూ వదిలిన పోస్టర్ అందరినీ ఆకట్టుకుంటోంది. ముఖంపై భయం.. లాంతరు పట్టుకుని దిక్కులు చూస్తున్నట్టుగా కనిపిస్తున్న పోస్టర్.. వెనుక గోడపై ఒక దిష్టిబొమ్మ, వెనకాల ఒక ఆలయం ఇవన్నీ చూస్తుంటే సినిమాపై ఆసక్తి పెరిగేలా ఉంది.

ఈ సినిమా షూటింగ్ ప్రధానంగా హైదరాబాద్‌లోని ప్రఖ్యాత రామోజీ ఫిల్మ్ సిటీ (RFC)లో జరుగుతోంది. రవివర్మ, మీసాల లక్ష్మణ్ కూడా ప్రముఖ పాత్రల్లో నటిస్తున్నారు.

హాలీవుడ్ లెజెండ్ హన్స్ జిమ్మెర్‌తో కలిసి పనిచేసిన భారతీయ స్వరకర్త శ్రీరామ్ మద్దూరి ఈ చిత్రానికి సంగీతాన్ని అందిస్తున్నారు. పురాతన యుగం, వేల ఏళ్ల క్రితం జరిగిన సంఘటనల ఆధారంగా ఓ అద్భుతమైన కల్పనకు ప్రాణం పోస్తున్నారు. విజువల్ వండర్‌గా, హై టెక్నికల్ స్టాండర్డ్స్‌లో శంబాల చిత్రాన్ని రూపొందిస్తున్నారు. త్వరలోనే ఈ చిత్రానికి సంబంధించిన ఇతర వివరాల్ని ప్రకటించనున్నారు.

ఇంకా చదవండి: ఎంపురాన్‌ మూడో పార్ట్‌కు సిద్దం!

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!

HOW DID YOU LIKE THIS ARTICLE? CHOOSE YOUR EMOTICON!