సరికొత్త సంచ‌ల‌నాల‌కు సిద్ధ‌మైన M4M చిత్రం

▪️ తెలుగుతో పాటు 5 భాషల్లో విడుద‌ల‌

▪️ హాలీవుడ్ రేంజ్‌లో సస్పెన్స్ థ్రిల్లర్

▪️ మోహన్ వడ్లపట్ల ద‌ర్శ‌క‌నిర్మాణం

తెలుగు ఇండ‌స్ట్రీని షేక్ చేసేలా.. సిల్వ‌ర్ స్క్రీన్‌పై మునుపెన్న‌డూ చూడ‌ని థ్రిల్లింగ్ స‌బ్జెక్టుతో రాబోతున్న చిత్రం M4M (మోటివ్ ఫర్ మర్డర్). తెలుగుతో పాటు ఐదు భాషలలో ద‌ర్శ‌క‌నిర్మాత‌ మోహన్ వడ్లపట్ల తెర‌కెక్కించిన ఈ చిత్రం ప్ర‌పంచ‌వ్యాప్తంగా విడుద‌ల స‌న్నాహాలు చేస్తున్నారు. ఈ సంద‌ర్భంగా చిత్ర‌యూనిట్ ఒక పోస్ట‌ర్‌ను విడుద‌ల చేశారు. ఈ పోస్టర్‌లో ఒకే ఒక కిల్లర్ క్యారెక్టర్ కనిపిస్తుంది. ఈ రెడ్ కలర్ పోస్టర్ చూస్తుంటే ఈ కిల్లర్ పూర్తిగా డిఫ‌రెంట్‌గా.. నా రూటు వేరు అన్నట్లు ఉంది. ఆ పోస్టర్ డిజైన్, M4M టైటిల్ చూస్తుంటే హాలీవుడ్ సినిమా రేంజ్‌లో క‌నిపిస్తూ ఆ ఫీల్ కలుగుతుంది.

ఈ సంద‌ర్భంగా ద‌ర్శ‌క‌నిర్మాత‌ మోహన్ వడ్లపట్ల మాట్లాడుతూ.. కంటెంట్ ఈజ్ ద కింగ్ అనే ప్రిన్సిపల్‌తో M4M (మోటివ్ ఫర్ మర్డర్) మూవీని తెర‌కెక్కించిన‌ట్టు చెప్పారు. స‌రికొత్త‌ సస్పెన్స్ థ్రిల్లర్ స‌బ్జెక్టుతో తెరకెక్కించిన ఈ చిత్రం ఇండ‌స్ట్రీలో ఏ ఫెదర్ ఇన్ క్రౌన్ అవ్వ‌బోతోంద‌న్నారు. సస్పెన్స్ థ్రిల్లర్, మర్డర్ మిస్టరీ జోనర్లో ఇదొక కలికితురాయి నిలుస్తుంద‌న్న న‌మ్మ‌కాన్ని వ్య‌క్తం చేశారు. త్వ‌ర‌లోనే  M4M ను ఐదు భాషలలో వరల్డ్ వైడ్ రిలీజ్ చేయ‌బోతున్నామ‌న్నారు. టాలీవుడ్, బాలీవుడ్‌తో పాటు అమెరికాలోనూ ఈ సినిమా ప్ర‌మోష‌న్స్ మొద‌ల‌య్యాయ‌ని చెప్పారు. వసంత్ అందించిన మ్యూజిక్, ఆనంద్ ప‌వ‌న్ చేసిన ఎడిటింగ్, సంతోష్ షానమోని కెమెరా ప‌నితనం.. వంటి త‌మ టీమ్ వ‌ర్క్‌ హాలీవుడ్ రేంజ్‌లో వ‌చ్చాయ‌ని ప్ర‌శంసించారు.

బ్యానర్: మోహన్ మీడియా క్రియేషన్స్, జో శర్మ మెక్‌విన్ గ్రూప్ USA.

తారాగణం:

జో శర్మ (ప్రధాన నటి) (USA), సంబీత్ ఆచార్య (ప్రధాన నటుడు).

సాంకేతిక సిబ్బంది:

కథ: మోహన్ వడ్లపట్ల, జో శర్మ, రాహుల్ అడబాల

స్క్రీన్ ప్లే & దర్శకత్వం: మోహన్ వడ్లపట్ల

సంగీతం: వసంత్ ఇసాయిపెట్టై

DOP: సంతోష్ షానమోని

ఎడిటింగ్: పవన్ ఆనంద్, DI: డిజి క్వెస్ట్, VFX: పవన్, సౌండ్ డిజైనర్: సాగర్

దర్శకత్వ శాఖ: రాహుల్ అడబాల, హరి కిషన్, సుభాష్ సిరిపెల్లి

PRO: పర్వతనేని రాంబాబు, కడలి రామబాబు, దయ్యాల అశోక్

ఇంకా చదవండి: తలైవా 'కూలీ', 'ఖైదీ-2' అప్‌డేట్‌.. 2025 సంక్రాంతికి ప్రేక్షకుల ముందుకు 'కూలీ'

HOW DID YOU LIKE THIS ARTICLE? CHOOSE YOUR EMOTICON !