![ఐమ్యాక్స్ 3డీ ఫార్మాట్లో 'జై హనుమాన్'!](https://cdn.mobilemasala.com/image/post-img/hanumann25-4-24.webp)
ఐమ్యాక్స్ 3డీ ఫార్మాట్లో 'జై హనుమాన్'!
2 months ago | 18 Views
తేజ సజ్జ కీలక పాత్రలో ప్రశాంత్వర్మ దర్శకత్వంలో రూపొందిన సూపర్ హీరో ఫిల్మ్ 'హనుామాన్’. ఈ ఏడాది సంక్రాంతి కానుకగా ప్రేక్షకుల ముందుకువచ్చిన ఈ చిత్రం బాక్సాఫీస్ వద్ద ఘన విజయాన్ని నమోదు చేసింది. ఇప్పుడు ఈ మూవీకి కొనసాగింపుగా 'జై హనుమాన్’ రాబోతున్న సంగతి తెలిసిందే. ఇప్పటికే స్క్రిప్ట్ పనులు పూర్తవగా, త్వరలోనే ఈ మూవీ సెట్స్పైకి వెళ్లనుంది. హనుమాన్ జన్మోత్సవం సందర్భంగా దర్శకుడు ప్రశాంత్ వర్మ ఆసక్తికర విషయాన్ని పంచుకున్నారు. 'జై హనుమాన్’ మూవీని ఐమ్యాక్స్ 3డీ ఫార్మాట్లో విడుదల చేయనున్నట్లు ప్రకటించారు. అంతేకాదు, ప్రశాంత్ వర్మ సినిమాటిక్ యూనివర్స్లో వచ్చే ప్రతీ సినిమానూ ఐమ్యాక్స్ 3డీ వెర్షన్లోనే తీసుకురానున్నట్లు తెలిపారు. నిప్పులు కక్కుతున్న డ్రాగన్ ఎదురుగా హనుమాన్ నిలబడి ఉన్న పోస్టర్ను పంచుకున్నారు. ఇప్పటివరకూ చైనా మూవీలకే పరిమితమైన డ్రాగన్ కాన్సెప్ట్ ఇప్పుడు ఇండియా సినిమాలోనూ అలరించనుంది.
మరోవైపు సీక్వెల్లో నటించే నటీనటుల ఎంపిక పక్రియను కూడా ప్రశాంత్వర్మ వేగవంతం చేశారు. పాన్ ఇండియా స్థాయిలో రూపొందిస్తున్న చిత్రం కావడంతో బాలీవుడ్కు చెందిన పలువురు నటీనటుల పేర్లను పరిశీలిస్తున్నారు. 'హనుామాన్’ పూర్తిగా బడ్జెట్ పరిమితుల మధ్య తీసినా క్వాలిటీ విషయంలో ఎక్కడా రాజీ పడలేదు. ఇంత తక్కువ బ్జడెట్ అద్భుతమైన అవుట్పుట్ ఇచ్చారంటూ విమర్శకులు సైతం టీమ్ను మెచ్చుకున్నారు. రాబోయే 'జై హనుమాన్’కు ఆ ఇబ్బంది లేదు. దీంతో తొలి భాగాన్ని మించి ఉండేలా సినిమా తీయాలని ప్రణాళిక సిద్ధం చేసుకున్నారు. అదే సమయంలో భారతీయ ప్రేక్షకులకు చక్కటి సినిమాటిక్ ఎక్స్పీరియన్స్ ఇచ్చేందుకు ప్రయత్నిస్తున్నారు. ఇందులోభాగంగానే ఐమ్యాక్స్ 3డీ వెర్షన్ కాన్సెప్ట్ను తీసుకొచ్చారు. తాజా ప్రకటనతో సీక్వెల్పై మరిన్ని అంచనాలు పెరిగాయి.
ఇంకా చదవండి: 'ఆ ఒక్కటీ అడక్కు’ ట్రైలర్ విడుదల!
# JaihanuMan # HanuMan # Prasanthvarma