అప్పట్లో 'ఆదిత్య-369' అద్భుత విజయం సాధించింది. అంతేకాదు మంచి సినిమాగా నిలిచింది. దర్శకుడు సింగీతం ఖాతాలో హిట్‌ పడింది. ఆయన ప్రతిభ మరోమారు చాటింది. ఈ సినిమా గురించి ... ఇదేం నేపథ్యం అని అప్పట్లో చాలామంది సందేహించారు. సినిమా విడుదలై, ప్రేక్షకులను కొత్త ప్రపంచంలోకి తీసుకెళ్లడం చూసి ఆశ్చర్యపోయారు. దాదాపు 34 ఏళ్ల క్రితం తెరకెక్కిన ఈ సినిమా అధునాతన సాంకేతిక విలువలతో ఈ నెల 4న రీ రిలీజ్‌ అయింది. 

ఈ సందర్భంగా దర్శకుడు సింగీతం శ్రీనివాసరావు నాటి విశేషాలు పంచుకున్నారు. హాలీవుడ్‌ మూవీ ’బ్యాక్‌ టు- ది ఫ్యూచర్‌’ స్ఫూర్తితో ’ఆదిత్య 369’ తీశానని అనడాన్ని తిప్పికొట్టారు. ది టైమ్‌ మిషన్‌’ నవలను తాను కాలేజీ రోజుల్లోనే చదివానని,  అందులోని ఆసక్తికర అంశాల గురించి స్నేహితులతో చర్చించేవాడిని. డైరెక్టర్‌ని అయిన తర్వాత ఆ కాన్సెప్టుతో సినిమా చేస్తే బాగుంటుందనిపించింది. ఓ సారి విమాన ప్రయాణం చేస్తుండగా ఎస్పీ బాలసుబ్రహ్మణ్యంతో నా ఆలోచన చెప్పా. ఎంతో ఉత్సాహం చూపిన ఆయన ’ఐడియా బాగుంది.

తప్పకుండా చేద్దాం’ అని అన్నారు. ఇద్దరు ముగ్గురు ప్రముఖ నిర్మాతలకు ఆయనే ఈ కథ వినిపించారు. కానీ, వారికి సైన్స్‌ ఫిక్షన్‌ కాన్సెప్టు అర్థం కాలేదు. ఇదేదో ఫాంటసీ సినిమా అనుకున్నారు. కథపై నమ్మకం ఉన్న ఎస్పీబీ పట్టు వదలకుండా.. నిర్మాత శివలెంక కృష్ణప్రసాద్‌ను సంప్రదించారు. ఆయనకు బాగా నచ్చడంతో సినిమా పట్టాలెక్కింది. హీరో పాత్రకు ముందు నుంచీ బాలకృష్ణనే అనుకున్నాం. స్టోరీ విన్న వెంటనే ఆయన నటించేందుకు అంగీకరించారు. హీరోయిన్‌గా విజయశాంతి బాగుంటుందని కృష్ణప్రసాద్‌, బాలకృష్ణ అనుకున్నారు. డేట్స్‌ సర్దుబాటుకాకపోవడంతో ఆమె నటించలేకపోయారు. ఓ దర్శకుడు మోహిని గురించి చెప్పగా.. ఆడిషన్‌ చేసి కథానాయికగా ఆమెను ఎంపిక చేశాం. బాలీవుడ్‌ నటుడు టీనూఆనంద్‌ను ప్రొఫెసర్‌ పాత్రకు తీసుకున్నామని అన్నారు. టైటిల్‌ విషయంలో కృష్ణప్రసాద్‌ ఏమైనా అనుకుని ఉండొచ్చుగానీ నేను ముందు నుంచీ 'ఆదిత్య’ పేరునే ఫిక్స్‌ అయ్యా. అలా 'ఆదిత్య 369’ అయిందని సింగీతం వివరించారు.

ఇంకా చదవండి:  రెండో సినిమా ప్రకటించిన నీహారిక.. సంగీత్‌ శోభన్‌తో తదుపరి చిత్రానికి రెడీ!

Get the latest Bollywood entertainment news, trending celebrity news, latest celebrity news, new movie reviews, latest entertainment news, latest Bollywood news, and Bollywood celebrity fashion & style updates!