కెరీర్‌ బిగినింగ్‌లో గ్లామర్‌ పాత్రల్లో ఓ వెలుగు వెలిగింది అనుష్క. అయితే.. ‘అరుంధతి’ తర్వాత ఆమె నుంచి రెగ్యులర్‌ గ్లామర్‌ పాత్రలు కాకుండా, అభినయానికి ఆస్కారమున్న పాత్రల్నే ఆడియన్స్‌ ఆశించడం మొదలుపెట్టారు. ఈ క్రమంలో ఆమె చేసిన వేదం, బాహుబలి ఫ్రాంచైజీ, రుద్రమదేవి, సైజ్‌ జీరో, భాగమతి, నిశ్శబ్ధం, మిస్‌ శెట్టి మిస్టర్‌ పోలిశెట్టి సినిమాలు ఆమెను నటిగా గౌరవప్రదమైన స్థానంలో కూర్చోబెట్టాయి. ఆ వరుసలో ఆమె చేస్తున్న మరో వైవిధ్యమైన సినిమానే ‘ఘాటీ’. క్రిష్‌ జాగర్లమూడి దర్శకత్వంలో రూపొందుతున్న ఈ చిత్రం ఉత్తరాంధ్ర గంజాయి తోటల నేపథ్యంలో సాగే విభిన్న కథాచిత్రమని తెలుస్తున్నది. ఇందులో అనుష్క పాత్ర ఊహలకు అతీతంగా ఉంటుందని సమాచారం. ఇటీవల విడుదలైన టీజర్‌లో.. అనుష్క బస్‌లో ఓ వ్యక్తిని మర్డర్‌ చేసే సన్నివేశం సినిమాపై అంచనాలు పెంచేసింది.

ప్రస్తుతం ఈ సినిమా షూటింగ్‌ 80 శాతం పూర్తయింది. ట్కక్లెమాక్స్‌ షూట్‌ మాత్రమే మిగిలివుంది. మరోవైపు పోస్ట్‌ ప్రొడక్షన్‌ వర్క్‌ కూడా నడుస్తున్నది. జనవరి చివరివారం నుంచి ట్కక్లెమాక్స్‌ షూట్‌ ఉంటుందని తెలుస్తున్నది. ఏప్రిల్‌ 18న చిత్రాన్ని విడుదల చేయనున్నారు. సాయిమాధవ్‌ బుర్రా ఈ సినిమాకు సంభాషణలు అందిస్తున్న విషయం తెలిసిందే.

ఇంకా చదవండి: ‘ప్రజాకవి కాళోజీ’ బయోపిక్! సినిమాకు విద్యార్థుల నుంచి అనూహ్య స్పందన